حب نتيجة خطأ طبي

الجزء المئة و العشرون

حب نتيجة خطأ طبي
#بارت120♡♡

يزيد هبط حتى لعندها جارها من شعرها ونطق بين سنانو: واش نتي مكتسكتيش اممم؟ واش مكتقادايش من الغوات؟....

زمرد: بعد مني عافاك متقيسنيش راه غتندم على هادشي هئىىئ هئىى بعد مني...

يزيد يالاه جا يجاوبها حتى سمع تيليفونو كيصوني ساط بغيض وخشا يديه فجييو جبد تيليفون جاوب عليه....
يزيد: مالك نتا اش واقع...

الشخص: سي يزيد وقع لينا مشكيل فالخدمة كلشي توقف...
يزيد لي سمع هادشي طلعات ليه القردة تعصب.
يزيد: اشنووو كتتتققووولل نتااا كككفاااش كلشيي توقف كلاااب متقدرو ديرو حتىىى حاجة مقااادة...قطع هاني جاي دبا وشوفو شنو غديرو بينما وصلت مبغيييت حتى مشكيل حتى نشوفو هاد الحريرة فين غتوصل...

فصل الخط وهو معصب دار شاف فزمرد لي باقي كتبكي وتشهق...
يزيد: سكتتييينااا نتي رااه مغنقتلكش حمدي الله عندك زهر ولكن راجع ليك مزال..

ضرب فيها وتم واقف شاف فواحد من رجال لي تما.
يزيد: هيييه نتا اجي هز هادي من الارض وياكم تحطو عليها يديكم...

تم خارج اما داك الكارد لي مشا طلع زمرد من الارض قاد ليها الكرسي ديالها ورجع فحالو مهضرهاش وخا عيات مطلب فيهم يفكوها حاولات بجميع الطرق قالت ليهم بلي غتعطيهم شحالما بغاو ديال الفلوس ولكن تاحد متسوق ليها...

بقات زمرد كتبكي وتندب على زهرها جاها هادشي لي كتعيش كابوس عمرها تخايلات تعيش فحال هكا كانت من قبل بنت عادية عارفة غير قرايتها وسارة لي كتخرج معاها مرة مرة كانت طموحة باغا تقرا وتخدم وتعاون واليديها بغات ترجع ليهم ولو شوية من داكشي لي دارو على قبلها... ولكن دبا كتشوف العكس عاشت جميع تجارب الانتحار...موت باباها... شافت العافية بعينيها كتحرق... الاختطاف... محاولة اغتصاب...

زمرد: هئىىى يااا يااربي هئىى ياربي بغيت نخرج من هنا هئئئىىى ياربي عاوني نخرج من هاد الكابوس هئىىئ ياربي دير لي فيها الخير هئىىئ هئئىى

بقات كتبكي ودعي الله افكها من بين يدين هاد العصابة لي طاحت فيها عينيها ولاو حمرين منفوخين فمها لي بيض كيترعد بالبرد وعلاش لا وهي ايام وايااام كتنعس فالبرد ايديها ورجليها ولاو ضارينها 7 يام وهي رابطينها بحال شي بهيمة يديها مبقاتش كتحس بيهم ...

#يتبع...