حب نتيجة خطأ طبي

الجزء المئة و التاسع و الخمسون

حب نتيجة خطأ طبي
#بارت159♡♡

جلسات زمرد على طرف الناموسية شادة راسها بين يديها كتحاول ترتب أفكارها.. وتعرف شنو هي باغة دير اكيد ميمكنش ليها تبقا حياتها كاملة فهاد دار ضروري يجي واحد نهار لي غادي يتصلح فيه كلشي...

أول حاجة قرراتها هي ترجع لقرايتها لي هملاتها.. مورا گاع هادشي لي وقع هاد العام كلشي ترون الا بقات هكاك العام كولو غادي يضيع غير هكاك أصلا ضيعات الامتحانات و مغاديش يبغيو يعاودوهم ليها.. الا مجابتش شهادة طبية.. أول شخص جا على بالها هو منصف

زمرد: شنو غندير دابا؟ الا عيطت ليه غادي يقول غير صاحبة حاجتها!!

بقات تتفكر معارفاش شنو دير ولا نقولو رافضة فكرة بلا بيه متقدر دير والو حيت هاد العام عاونها بزااف و كان هو السند ديالها.. تفكرات گاع داكشي لي عاشتو و الا كانت فبلاصتو واش تقدر دير نفس الحاجة؟؟

زمرد: لا لا يعني أنا مستحيل ندير بحال هاكا مع واحد متنعرفوش؟ و الا كان غير تيتفلى ولا شي حاجة..
زمرد حسات براسها تالفة بزااف شدات تيليفون و تدور فانسطا و مداز لوقت حتى لقات راسها داخل للكونط ديالو و فوجهها ابتسامة..

زمرد: واش دابا! نتي مزوج بيه أ زمرد؟ (بدات تتفرنس غير بوحدها ) صراحة هو زوين!

زمرد غوبشات ملي شافت التعاليق على تصويرة ديالهم فالحفل لي دا فيه منصف جائزة أحسن رجل أعمال السنة..
التعاليق:
"هو حسن منها"
"معرفتش شنو عجبو فيها؟"
"باينة غير ساحرة ليه"
" أصلا منصف زوين عليها بزااف باينة غير زواج مصلحة و صافي!!"

زمرد بعصبية: كيفاش هادشي؟ لهاد الدرجة محاملينيش؟

تنهدات و بدون شعور دارت جيم للتصويرة و حيداتها دغية بدات تتولول غير بوحدها..

زمرد: ويلي ويلي عنداك طلع ليه؟؟

فنفس الوقت فبلاصة خرا

منصف جالس فلبيرو قدام شي وراق تيسيني عليهم و واقفة السيكريتيرة تتسناه يسني.. حتى وصلاتو نوتيفيكاسيون فتيليفون.. مداهاش فيها غير سالا.. دار اشارة للسيكريتيرة هزات الوراق لي سيناهم و خرجات.. تنهد بتعب و هز تيليفون و هي طلع ليه زمرد بلي دارت جيم دخل للتصويرة.. كانت نفسها ديال الحفل.. بتاسم عاجبو الحال.. و دغية غوبش ملي اكتاشف بلي حيدات جيم من التصويرة..

منصف: واخا أ زمرد!!

جبد نمرتها و عيط ليها و هي غير شافت نمرتو لاحت تيليفون و توثرات بزااف..

زمرد: علاش عيط ليا؟ شنو بغا؟ واش شاف جيم لي درت ليه؟

بقات متوترة و غير تتسول فراسها حتى قطع تيليفون و عاود صونا مرة خرى.. و هي تجاوب و لي ليها ليها..

زمرد بصوت متوثر: منصف!
منصف مخنزر: علاش حيدتيها؟
زمرد بعدم فهم: شنو حيدت؟
منصف: رجعي جيم للتصويرة دابا!!

زمرد وسعات عينيها بالصدمة هادا متتخفى عليه والو و معرفات باش تجاوبو بقات غير ساكتة..

منصف بحدة: زمرد!!
زمرد بحشمة: لا راه دارت غير بالغلط و صافي.. داكشي علاش أصلا تيليفون تبلوكا و دارت و تحيدات بوحدها..
منصف عرفها غير طالقاها عليه: رجعي جيم!!
غير كمل هضرتو قطع عليها

#يتبع