حب نتيجة خطأ طبي

الجزء التاسع و التسعون

حب نتيجة خطأ طبي
#بارت99♡♡

بنت كتقاد لزمرد بدات ليها بوجهها ركزات على انه يكون ميكاب زوين ركزات على عينيها و شفايفها.. غير سالات ليها وجهها دازت لشعرها قاداتو ليها دارت ليها مشيطة غزالة ديال العريسات...

اما سارة و رانيا لي قادو ليهم حتى هما ميكاب لي جا معاهم و مشيطات غزالين(غنخلي ليكم تصاور)...

زمرد شافت راسها فالمراية و ملامح الثوتر باينين عليها..

سارة: زمرد جيتي غزالة اختي تبارك الله مقوصت عليك.
رانيا: اه متافقة معاك اسارة جيتي تحمقي..
زمرد(بتاسمات): ناري البنات حاسة بالخلعة معرفتش علاش...
جميلة(الميكاب ارتيست): عادي كيوقع بحال هكا حيت اليوم عرسك طبيعي تحسي بالثوتر...

مشات واحد البنت لي كتقاد لزمرد حلات فاليزة جبدات منها تكشيكة بالأزرق زوينة مرصعة بالاحجار مع صندالتها طالون بالبيض...

هند( وحدة من البنات لي جات): زمرد نوضي تلبسي باش منتعطلوش... نتوما(سارة و رانيا) غتبدلو هنا ولا بيت آخر ؟
رانيا: لا لا اختي غنمشيو لداك البيت نبدلو زمرد خودي راحتك شوية و نرجعو...

داكشي لي كان مشاو البنات كل وحدة لبيت باش توجد راسها..

وصلات الساعة 6 ديال العشية

الناس بداو كيجيو دليل على انه العرس مبقا ليه والو.. نمشيو لواحد الغرفة كان واقف قدام المرايا بكل اناقة لابس بذلة سوداء دايزين فيها خطوط بيضين(غنخلي ليكم طوف) كيقاد فالربطة ديال العنق و عينيه طاغية عليهم نضرة البرود هز بارفان ديالو رش منو و رجعو لبلاصتو لبس حذاءو الاسود لامع... طلع شعرو الفوق و دار نضرة اخيرة فراسو و خرج من البيت كيتمشى و كتافو يتمشاو معاه... كيتمشى بنخوة.. وصل حدا غرفة زمرد بقا واقف كيتسنى فيها تخرج باش يهبطو بجوج...

عند زمرد

لي واقفة كتقاد ليها النكافة فالعكر ديالها.. لابسة تكشيطتها فالازرق و حذاءها العالي و شعرها مقاد انيق كانت كتبان بلارة طايح عليها سر العرايسات تبارك الله و خلاص الحشمة باينة من وجهها حنيكاتها لي مزنگين و عويناتها لي كيبريو...

اما سارة

لابسة قفطان فالاخضر توب ديالو رطب و فيه طرز خفيف مع صاك ديالو فالابيض كيبري... اما شعرها جامعاه كعكة التحت مخلية زغيبات طايحين...

#يتبع...