حب نتيجة خطأ طبي

الجزء السابع و الخمسين

حب نتيجة خطأ طبي
#بارت57♡♡

مشات عند ماماها الكوزينة جلسات كتشوف فيها و كتقول مع راسها ياريت بقيت عايشة كيفما كنت باباها حداها و ماماها حتى هي عايشين بيخير من الدار المدرسة و تجي تعاون ماماها دبا كلشي تقلب بابها مات و فوق هادشي كامل متقدرش تبقا معاها فالدار حيت مزوجة...تنهدات بالجهد حتى سمعاتها فاطمة...

فاطمة:مالك ابنتي؟
زمرد:ديني لقبر بابا.
فاطمة:واش اليوم؟
زمرد: اه بغيت نمشي نزورو ونقوليه بلي انا مسامحاه بغيتو يكون مرتاح، عافاك يالاه ديني.

قربات منها فاطمة دوزات يديها على شعرها..

فاطمة:واخا ابنتي نديرو الكوتي بعدا عاد نمشي معاك.

زمرد حركات راسها بإيجاب، و ناضت عاونات ماماها حتى قادو الماكلة فوق الطابلة و جلسو كياكلو وخا زمرد معندها منين يدوز ليها و لكن فاطمة حلفات عليها تاكل متبقاش بالجوع...

مشات فاطمة لبيتها لاحت عليها جلابتها و زيف ديالها و عطات لزمرد حتى هي زيف تلوحو على راسها مجاتش تمشي المقبرة بشعرها معري... خرجو شدو طاكسي حتى وصلهم حدا المقبرة دخلات وراتها فاطمة القبر ديال باباها.

مشات زمرد جلسات فطرف القبر حطات يديها كدوزها على تراب...دموعها خانوها مقدراتش تحبسهوم..

زمرد تتنخصص بالبكا: بابا هئئئ بابا حبيبي(كدوي وهي كتشهق وصوت البكا ديالها مسموع) هئىىننىىىىى عللل علاش مشيتي و خليتيني امم علاش مشيتي هئئئ شكون بقا ليا انا دبا هئئئىئ علاااش

فاطمة لي كتشوف و تبكي على بنتها و على راجلها حتى هي توحشاتو... و لكن مبغاتش توقفها خلاتها على راحتها تخوي ما فقلبها...

زمرد حطات راسها على قبر باباها و كأنها بغات تحضنو داك الحضن لي توحشاتو و تمنات ترجعلو ولو تانية.. قلبها تزير عليها و عقلها باقي متقبلش فكرة موت سي براهيم

زمرد: بابااا هئىئئ توحشتك ا بابا هئئئ كفاش غنقدر على فراقك هئئئىئ مسامحاك ابابا انا مسامحاك من كل قلبي و كنتمنى حتى نتا تسمح ليا هئئىىئى

بقات كتبكي و تشكي على باباها بحال غيسمعها و يجاوبها حتى تفشات و هي تنوض هزات واحد القرعة ديال الما سقات بيها داك التراب قرات القرآن هي و ماماها و خارجو....

#يتبع