حب نتيجة خطأ طبي

الجزء الثامن و العشرون

حب نتيجة خطأ طبي

#بارت28♡♡♡

وصل الليل

عند زمرد و كنزة لي كيتعشاو و خالقين الجو غير بيناتهوم حتى ناضت زمرد

زمرد: خالتي تصبحي على خير جاني نعاس
كنزة: وخا ابنتي سيري تنعسي..

اما منصف شاد الطريق للفيلا عند عائلتو ( اما زمرد لي خبارها كيجيبهوم من عند كنزة اولا الكاميرات لي فالدار ) لي عامين و هو هاجرهم..

وصل حل ليه الكارد البوابة دخل و هي تبان ليه لالة الياقوت جالسة فالجردة و كتشرب كاسها ديال القهوة حتى سمعات حس الطموبيل دارت وهي يبان ليها ولدها نازل من الطموبيل ، حطات الكاس من يديها و مشات ناحيتو عنقاتو و هو تحنا بادلها العناق

لالة الياقوت: اخيرا ا ولدي هداك الله و تفكرتي بلي عندك عائلة
منصف: الله يهديك الالة الياقوت هاني جيت دبا
لالة الياقوت: صافي وليت غير ياقوت مبقات لا ماما لا الواليدة..
منصف ضحك بجنب: علاش منعستيش؟
لالة الياقوت: كنت غنمشي
منصف: يالاه حتى انا غنطلع ننعس تصبحي على خير
لالة الياقوت: واخا اولدي تصبح على خير.. واش مبغيتيش تعشا؟

منصف حرك راسو بلا

توجه كل واحد للبيت ديالو باش ينعس

~أصبحنا وأصبح الملك لله ~

صباح صباح جديد واحدات جديدة

الساعة لي كتشير ل 8 صباحا

عند زمرد

لي فايقة كتكسل دخلات دوشات باش تصحصح و دارت روتينها الصباحي و خرجات للبالكو تشوف الجو كي داير.. ضربات فيها الشمسية ديال الصباح و الجو لي كان زوين جبدات يديداتها و الإبتسامة على وجهها حتى تفكرات بلي غتعطل على لافاك.. دخلات نيشان حلات الماريو لقات شي حوايج هزات واحد سروال تجين فالزرق لبسات معاه واحد تريكو لي كيجي طالع على العنق فالكحل و سبرديلة فالبيض هزات صاك و خرجات لقات كنزة يالاه فايقة شافتها و مشات سلمات عليها

زمرد: صباح الخير
كنزة: صباح نور غادا المدرسة؟
زمرد: اه اخالتي

كنزة خشات يديها فالطابلية لي كانت لابسة وجبدات منها واحد 50 درهم ومداتها ليها

كنزة: هاكي ابنتي هادي تقدري تحتاجيها
زمرد: لا لا اخالتي بلاش متحتاجيش
كنزة خشاتها ليها فالصاك: خوديها مال راسك قاصح اصلا كاع مفطرتي يقدر يجيك جوع يالاه سيري لقرايتك ابنتي
زمرد: عنقاتها وخرجات عند المحطة ديال الطوبيس كتسنا فيه حتى جا وهي تركب

وصلها قدام لافاك هبطات كتشوف شحاال مترددة فالأول ولكن تشجعات و دخلات، گاع الانضار توجهو ليها حيت كانت غابرة شحال من غير سارة لي مشافتهاش كانت مخشية وسط البنات..

زمرد دخلات نيشان مشات للقسم ديالها حطات صاكها و هو يدخل البروف سلمات عليه لي شاف الجبس فيديها

البروف: زمرد فين كنتي غابرة يسحاب لينا مغترجعيش مزال!!
زمرد: اه لا والو غير كنت مريضة و صافي

دارت ليه إشارة للجبس لي فيديها

بروف: لله يشافيك!
زمرد: شكرا

جلسات فالمقعد ديالها حتى دخلو باقي الطلاب و سارة مرداتش ليها البال بحيت كانت جالسة اللور ...

#يتبع..