حب نتيجة خطأ طبي

الجزء المئة و الواحد و الستون

حب نتيجة خطأ طبي
#بارت161♡♡

أما زمرد تعصبات لاحت تيليفون فوق ناموسية بإهمال..

زمرد: اوووف!! مالي على هادشي كامل؟؟

غير كملات هضرتها سمعات صوت تيليفون لي تيعلن على وصول رسالة.. هزات تيليفون حلاتو بان ليها منصف لي صيفطها..

"غير قولي شنو باغة؟"

زمرد وسعات عينيها بالصدمة: هادا باش عرفني؟؟ (و هي تحط يديها على فمها) يكما داير ليا الكاميرا ؟

زمرد ناضت و تتشوف مع جنابها و هي مفاهماش كيفاش حتى عرفها شنو بغات.. أما منصف تسناها تجاوبو ساعة والو حتى مبقاتش طالعة ليه أونلين.. تعصب و هو يديماري طونوبيل و تحرك من تماك..

بعد مرور يومين

🔥🔥فرانسا

بالضبط مدينة باريس فليل

أمجد كان يلاه دخل لواحد لبار تحت عينيه كحل و باين فيه لعيا و عينيه حمرين.. دخل جلس مقابل مع البارمان.. و تيهضر معاه بالفرنسية

أمجد: عفاك! واحد الكاس مخلط بحال لبارح
البارمان حرك ليه راسو بآه.. قاد ليه واحد الكاس و حطو قدامو.. بقا تيشوف فالكاس مدة و هو يهزو و شربو دقة وحدة.. بقا هكاك كاس ورا كاس حتى جاب لكاو..

البارمان: باراكة عليك راه صافي كثرتي بزااف شربتي كثر من لبارح!!
أمجد بصوت سكراان: ماشي سوقك!! أنا خاصني نساها.. و مقدرتش..
البارمان: عرفت! راك عاودتي لينا لبارح كلشي البار كامل عارفك تتبغي مرات خوك لي مزوجة بيه غير على الوراق و رفضاتك.. و فضلات خوك عليك.. و بلي خسرتي خوك نهائيا و عائلتك كاملة غادي تكون حاقدة عليك دابا!!
أمجد عاقد غوباشتو: شكون قال هادشي كامل؟ باش عرفتي؟
البارمان: لبارح! جيتي و عاودتي لكلشي.. مهم راه غادي نعيط للطاكسي باش يجي و نتا خاص تخلص هادشي لي حونصوميتي دابا..
أمجد بصوت تقيل: تواحد متيفهمني!!! قلبي تقطع و أنا باقي تنشوفها.. (جبد بزطامو و خدا كارط بونكير و مدها للبارمان) هاك خود داكشي لي بغيتي!!

البارمان بتاسم ليه و خداها من عندو غير خلص رجعها ليه و عيط للطاكسي..

دازت مدة

أمجد خرج من البار و تيتسنى فطاكسي لي عاد وقف.. حل لباب لوراني ديال الطاكسي و ركب و فنفس الوقت.. تحل لباب لوراني لي من جهة لخرى و ركبات و سدو لباب بجوج فدقة وحدة و دارت شافت فيه و حتى هو نفس الحاجة.. و نطقو بجوج فنفس الوقت

أمجد: نتي؟
سارة: نتا؟

أمجد خنزر فيها: أنا لي عيطت للطاكسي!!
سارة: و أنا لي ركبت فيه لولة..

مول طاكسي دار شاف فيهم تيخنزرو فبعض و باين بلي تاشي حد ممعول يخرج.. و قال يسولهم بعدا و لي غادي يربح معاه لفلوس يخليه فالطاكسي..

مول طاكسي: فين غاديين؟

نطقو بحوج فدقة وحدة: أوبرا..
و دارو بجوج تيشوف فبعضياتهم مصدومين مول طاكسي فرح

مول طاكسي: هي لولة

#يتبع