حب نتيجة خطأ طبي

الجزء الرابع و الأربعون

حب نتيجة خطأ طبي
#بارت44♡♡

منصف حاني على طبسيلو كيفطر ممسوقش گاع ليهم

رانيا: سمعت شي غوات قبيلة معرفتش شكون!
لالة الياقوت: بصح! مسمعت والو
سي محمد: حتى انا مسمعت والو

رانيا شافت فمنصف لي مدار تاشي ردة فعل اما زمرد غرفات فحوايجها حيت هي لي غوتات فاش شافت منصف حداها مشاركين نفس الفراش.. تزنگات و نطقات بزز

زمرد: سمحو ليا! انا لي غوت قبيلة
لالة الياقوت بخوف: ياك لباس؟
زمرد بضحكة بلهاء: غير منصف ضحك معايا و انا تخلعت صافي

كلهم وسعو عينيهم بالصدمة.. اما منصف مدار والو كمل فطور بحالا مكاين والو متقال والو..

لالة الياقوت مبتاسمة: يعني منصف واش خلعك ولا ضحك معاك؟
رانيا: صراحة تصدمت حيت عمرو وقع معايا هادشي
لالة الياقوت: عادي راه تتوقع! (شافت فمنصف خابسة الضحكة) تكايس شوية على مراتك راه دغية تتخلع!!

سالاو الفطور ديالهم ، منصف ناض مشا للجردة جلس هاز لبيسي ديالو خدام و داير نضارات على عينيه

اما لالة الياقوت مشات عند الخدم تعلمهم بلي اليوم كاينة عراضة العشا و توريهم شنو غيديرو و العدد ديال الأشخاص لي غيكونو... باش تكون عراضة على حقها و طريقها..

زمرد و رانيا لي مشاو الصالون ، رانيا هازة طابليت كتشوف لي موديل ديال الحوايج و توري لزمرد لي غير كتحرك راسها اصلا گاع الحوايج عجبوها.. بقاو كيشوفو فلي موديل حتى هضرات رانيا بحماس

رانيا: زمرد اش بان ليك نمشيو نديرو شوبينك؟
زمرد: امم صراحة معرفتش! (تفكرات بلي لفلوس مكاينينش نسات بلي راها مزوجة بمنصف غير تيشتت فلفلوس) من الاحسن بلاش..
رانيا:هننن و عفاك يالاه شحال هادا مخرجت مع شي بنت ديما كتلصق فيا ماما بليز شوفي كلشي على حسابي و غنشري ليك لي بغيتي
زمرد تحرجات: لا لا مبقاتش فالفلوس غير..
رانيا: عفاك زيدي معايا اصاحبتي راه غنهضرمع خويا اخليك
زمرد بقلة حيلة: اهاه صافي نمشيو نيت شحال هادا مخرجت
رانيا: اه اه متأكدة غيعجبك الحال...

ناضت طايرة مشات قالتها لماماها لي وافقات حيت عرفاتها غتخرج مع زمرد.. منبعد مشات بالزربة للجردة وقفات فوق راس منصف وشادة يديها

رانيا: ااحم خويا بغيت نخرج انا و زمرد

منصف ببرود غير تيشوف بمعنى كملي

رانيا: بغينا نتقداو شي حوايج و الله منتعطلو

منصف هز كتافو زعما ممسوقش ملي تيدير هاد الحركة يعني موافق

رانيا بحماس: شكرا اخويا

يالاه غادا حتى وقفها منصف

منصف: تسناي!! (مد ليها واحد بطاقة ديال البنك) هاكي
رانيا: ديالاش هادي انا راه عندي ديالي!
منصف: عطيها لزمرد
رانيا: اه واخا هانا غادية

مشات بالزربة لقات زمرد باقة فبلاصتها جالسة
رانيا: يالاه يالاه وجدي راسك راه خلاونا نخرجو
زمرد: اه واخا هانا غنطلع مغنتعطلش
رانيا: اه واخا... ااه شوفي هاكي هادي عطاها ليك خويا

زمرد شافتها استغربات و لكن مرفضاتش حيت ميمكنش ليها تقوليها لا.. داكشي لي كان طلعو البنات بدلو حوايجهوم و هبطو لقاو الشيفور كيتسناهوم بالطونوبيل..

دازت مدة
وصلو حدا واحد المول كبييير و زوين ديكور ديالو راقي و باينا عليه ديال الناس لي من الطبقة البرجوازية.. زمرد غير كتقلب عينيها هاد المول فيه لي حليتي عليها فمك اشمنك يا حوايج غير الشكال و النواع و الصيكان والصبابط....الخ

#يتبع