حب نتيجة خطأ طبي

الجزء الخامس و السبعون

حب نتيجة خطأ طبي
#بارت75♡♡

لالة الياقوت:على سلامتكم...
رانيا:كدور فعينيها: ماما راه كنا ف الصالون داكشي علاش تعطلنا والله سولي احمد(الشيفور)..
لالة الياقوت(محمرة فيهم):قلت ليكم زعما معطلوش ولا لا ونتوما جالسين ليا على برا كتسركلو مناقصكم خير ياك قلتي غير غتبدلي الجو امم... صدقتي ليا فالشوبينغ...

شافت ف زمرد: ونتي الالة زمرد راك مزوجة زعما ولا لا ولاكن مغنهضرش معاك انا بينك وبين راجلك...

زمرد(باخراج):سمحي ليا اخالتي..

طلعات زمرد فالدروج هازا لي صاشي ديالها ورانيا بقات كتسمع ف التبهديلة ديال ماماها اما سي محمد مهضرش معاها اصلا غير الياقوت قاضية الغرض

عند زمرد طلعات يالاه حلات الباب وهي يبان ليها منصف متكي فوق النموسية حاط يديه مور راسو ومغمض عينيه....بقات كتشوفيه اسحاب ليها بلي نعس..

مشات حطات داكشي حيدات سبرديلة ومشات ل الدوش غسلات رجليها من الريحة و حيدات عليها دوك الحوايج وتمات خارجة بان ليها باقي متكي... يالاه ضارت بغات تخرج حتى خلعها...

منصف:فين كنتي الالة..
زمرد(بارتباك):كنت خارجة انا ورانيا..

منصف(ببرود تام):امم خارجين حتى لهاد الوقت... معليك حكاك ولا شنو
زمرد:قلناها ل خالتي وخلاتنا نخرجو!
منصف ناض من بلاصتو مشا وقف مقابل معاها ومركز فيها الشوفة انا هي مهبطة عينيها..
منصف:و انا؟ امم انا امتا قلتيها ليا باش نخليك تخرجي ولا لا..
زمرد: س. سمح ليا غير نسيت..

منصف:ديري عقلك ابنتي ديري عقلك...

ومشا خرج البالكون لي فالغرفة ديالهم هاز سيكار ف ايديه وسارح...

اما عند زمرد لي باقي كتفكر ف هضرتو بصح عندو الحق!! هي خرجات بلا خبارو بحال الا نقصات من قيمتو حسساتو معندوش كلمة غير زايد ناقص... وخا متعصبش عليها أولا نقولو كيحاول ميتعصبش عليها..
بقات كتخيط وتفصل بحدها حتى عيات قالت ارا نمشي نستف داكشي لي شريت..

ستفات لي برودوي لي خاصهم امشيو الدوش قاداتهم فبلاصتهماو الميكاب ستفاتو بوحدو الخ...

سالات وقفات حاطة يديها على جنابها كدير نضرة أخيرة على داكشي لي قادات..

#يتبع...