حب نتيجة خطأ طبي

الجزء المئة و الواحد و الخمسون

حب نتيجة خطأ طبي
#بارت151♡♡

هو لي دارها بحال إلى مكايناش خلاها كتهضر مشا جبد داكشي لي غيحتاج وبدا كيوجد بشوية عليه مزربانش مخليها غير كتشوف و مطلعة حاجبها...

زمرد باستغراب: علاش نتا كتعرف طيب؟؟
منصف بهدوء: تفرجي وسكتي وشوفي واش كنعرف ولا لا

غير كمل هضرتو ضرب نيفها بصبعو خلاها غير تتشوف فيه

زمرد: واخا هاحنا غنشوفو..
منصف: فبلاصة متبقاي واقفة اجي عاونيني ولا يكما تكوني مكتعرفيش؟
زمرد: كنعرف كالاك مكنعرفش..
منصف بطنز: نتي لي باين فيك عمرك حطيتي يديك فالما و أنا كان كيسحاب ليا بلي ديتها حادكة! تقولبت...
زمرد(شافت فيه ديك شوفة ديال منيتك): كنعرف نطيب حيد حيد خليني ندوز...

مشات جبدات القطاعة والموس وكاع داكشي لي غتحتاج مشات لدوك ساشيات لي جاب لقات فيهم شي تقدية هزات داكشي لي غيخصها وشي حوايج كانو ديجا فالدار وبدات كتقاد...

اما منصف لي غير متبعها بعينيه كيشوف فيها اشنو غدير..

زمرد: مالك كتشوف فيا قاد العصير...
منصف عاجبو الحال: واخا الالة هاهو غيقادو...

مشا هز الفواكه لي غيجتاج ومولينيكس وبدا كيوجد فالعصير اما زمرد كتقاد فالكراطان... قاداتو وخشاتو فالفران باش يتحمر ومنصف حتى هو وجد العصير ودارو فالتلاجة يبرد بينما وجد العشا...

زمرد جمعات ديك روينة لي خلاو تما ومشات جلسات حاطة يدها على خدها كتخمم حتى قاطعها صوت منصف...

منصف بجدية: علاش جيتي لهنا؟ علاش مبقيتيش فالفيلا..
زمرد: كنضن بلي قلت ليك باغة نبقا بوحدي وباغة نرتاح ونفكر...
منصف: علاش قلتي بلي انا هو السبب؟
زمرد: حيت نتا هو السبب كون ماشي ديك سيلفيا مكانش غيوقع داكشي كامل...
منصف: وكنضن بلي انا معندي حتى دخل فهادشي وكون كان بيدي نحبسها باش مدير والو كون حبستها..
زمرد: وهداك لي خطفني حتى هو عندك بيه علاقة ياك؟؟

منصف تنهد من أسئلتها ولكن مباغيش اقمعها مدام هي كتسول خاصو يجاوبها..

منصف: شكون قاليك بلي عندي بيه علاقة
زمرد: منين كان خاطفني قاليا بلي غادي يندمك على كلشي وغادي يبدا مني انا اللولة... يعني عندو معاك عداوة هه انا كندفع فالتمن ديال اغلاطك...
منصف: اصلا مات..

زمرد هزات فيه عينيها بزربة وشافت فيه وهي مضيقة عينيها..
زمرد: كفاش مات؟؟ وشكون قتلو ؟
منصف: المهيم مات اشنو بغيتيه نتي؟ (مخنزر) بقا فيك؟
زمرد بخوف: ياكما تكون نتا لي قتلتيه!!
منصف( كيهضر ويشوف فيها وملامح وجهها لي كتبدلهم كل مرة):  انا مجرم؟؟
زمرد: بلا متهرب من سؤال...
منصف(تنهد بملل): سيلفيا ازمرد!! هي لي قتلاتو سيلفيا ونزيدك سيلفيا مشات الحبس وحكمو عليها ب 5 سنين ديال الحبس...
زمرد: وعلاش خمسنين؟
منصف: حيت هي قتلاتو دفاعا عن النفس والبوليس شهدو على الجريمة لي وقعات وبلي كون سيلفيا مدخلاتش كنت انا لي غنموت وديك المرة سولتيني مالي فيدي راه يزيد لي ضربني بقرطاسة جاب الله ضرباتني غير فكتفي...

زمرد مع كل كلمة عينيها كيزيدو يتوسعو كتر هادشي كامل وقع وهي مجايبة خبار لدنيا.. يالاه بغات تهضر تفكرات الفران ناضت طايرة لايكون داكشي تحرق...

#يتبع....
هادو هما أجزاء الليلة البنات عارفة راسي البارح محطيتش وغذا نشاء الله غنعوضكم وخا موالفة مكنحطش نهار السبت مهيم خليو ليا آراءكم والتوقعات ديالكم تصبحون على واقع اجمل ❤❤🔥