حب نتيجة خطأ طبي

الجزء الخامس و التسعون

حب نتيجة خطأ طبي
#بارت95♡♡

سارة لي جاها اتصال من عند ماماها خرجات على برا فالجردة باش تهضر معاها حيت تما كاين صداع...

خرجات الحديقة جاوبات ماماها لي قالت ليها متعطليش خاصك ترجعي بكري و سارة معاها كتحاول تقنعها تبقى مع زمرد حتى يسالي العرس...

سارة بترجي: و ماما عافاااك غير نهار نهااار حتى يدوز العرس و نجي و الله راه ميمكنش ليا نجي و نخليها عافااك...

الام ديالها بصرامة: غذا فالعشية تكوني عندي...

قطعات ليها فوجهها اما سارة لي تنهدات بارتياح اخيرا خلاتها... ناضت بغات تمشي و هي مهبطة راسها كتسد فالحزام لي تحل ليها حتى تخبطات مع شي واحد جات طايحة الارض على قاعها...

سارة كتحك الضربة: ااااي اميميتي ط*متي مشات بقات كتحك و تبرد الضربة حتى تفكرات بلي تخبطات مع شي واحد عاد طلعات عينيها... وسعاتهم على حدها...

سارة: نتاااا عرفتك واش اتبقا تابعني فينما مشيت اربي منين كتخرج ليا نتا...
امجد مخنزر معندو خاطر: نتي لي تابعاني ماشي انا و زيديها هادي داري منتشاورش معاك امتى نجي ليها...

سارة جمعات الوقفة و الضربة باقي عاطياها الحريق: كفاش داركم واصلا نتا لي مكتشوفش قدامك داك نهار دخلتي فيا و دبا نفس الشيء...
امجد بعصبية باغي غير معامن: وراه نتي لي داخلة فيا البرهوشة مكتشوفيش قدامك...
سارة عصبها: البرهوش هو نتا احتارم راسك و الله حتى نجمع عليك گاع الناس...
امجد باستفزاز: اممم اش غتقولي ليهم بالسلامة بلي دخلت فيه و مرضيتش نقولها...؟!
سارة: غنقول ليهم حاول اغتصابني...

امجد خرج عينيه على حدهم هادي متوقعاش منها سطاج الوحش...

امجد: سكتي سكتي شكون غيتيقك بعدا شكون غيتيق بلي غنغتاصب زوفري بحالي...
سارة كتشالي بيديها: الهلااااا يحيك حتى نكون زوفري بحالك..
امجد: و مالك لا زين لا لاطاي لا مجي بكري..
سارة: بزاااف عليك راك نتا لي عور اما انا فين توصلني لاطاي حوتة تحيي الموتى...

امجد جابت ليه الضحكة فيها نص ميترو و لسانها سابقها..

امجد بطنز: اممم قولي تقتل الحيين😂..

و مشى و خلاها تما غطرطق من هاد الاعصاب لي كيركب فيها الا شافتو معرفاتش علاش و لكن كيستفزها كتر من القياس...

سارة بعصبية تتسمعها ليه: البرهووووش بزااااف عليك يا المتكبر حاس براسك تفوووو..

حنات عينيها كتسوس حوايجها قادات شعرها و دخلات من بعد ما بردات...

#يتبع...