حب نتيجة خطأ طبي

الجزء الثاني والعشرون

حب نتيجة خطأ طبي
#بارت 22♡♡

بقاو رانيا و إلياس جالسين فالحديقة حتى سمعات رانيا تيلي ديالها كيصوني هزاتو من صاكها وهي تلقا نمرة ديال ماماها استغربات علاش صونات ليها

رانيا: أأ الو ماما؟
لالة الياقوت: فين راك كاينة نتي تعطلتي مشا الحال؟
رانيا شافت ف لياس و دوات: انا كاينة مع صحبتي لي قلت ليك..
لالة الياقوت: واش فالدار ولا خارجين
رانيا: هه لا اماما كاينين فالدار كنقادو واحد البروجي عطاه لينا البروف
لالة الياقوت: وخا ابنتي متعطليش بزاف
رانيا: وخا اماما

قطعات معاه رانيا وشافت ف إلياس لي كان كيبقشش فتيليفون

رانيا: اش كدير؟؟
إلياس توتر: اا والو احبيبة اش قالت ليك ماماك؟
رانيا شافت فيه باستغراب: اه !! والو خاصني نرجع لدار يالاه

ناضومن تماك وركبو فالموطور ديال إلياس( لي شاريه بفلوس رانيا طبعا ههه) وصلها للزنقة لي قريبة للفيلا ديالهوم....

دخلات رانيا لدار لقات ماماها جالسة فصالون و مخنزرة

لالة الياقوت: ساليتي الحفاضة اش هاد الوقت (طلعات فيها حاحب) قلت ليك متعطليش !
رانيا: اه اه اماما راه غير مرديتش البال للوقت ؛ مهيم نخليك غنطلع لبيتي نرتاح

طلعات فالدروج مزروبة حتى بان ليها باباها خارج من المكتب ديالو دازت سلمات عليه حيت مشافتوش نهار كامل ومشات لبيتها..

لالة الياقوت: واخا ابنت كرشي وليتي تكدبي عليا

لالة الياقوت جبدات تيليفون وبقات كتفرج فتصاور بنتها هي وهاداك إلياس حتى وصلات لواحد تصويرة لي كان إلياس كيقبل فرانيا تعصبات وطلع ليها الدم

لالة الياقوت:وخا هاني غنوريك الا مبغيتيش تبعد من بنتي بالخاطر،، غتعطيها تيساع بزز منك

نرجعو عند زمرد و كنزة

لي كانو جالسين كيتحددتو زمرد لي عاودات كلشي ل كنزة عاودات ليها على حياتها كيفاش كانت وكيفاش ولات....الخ

كنزة: و مناوياش تمشي تشوفي واليديك وحاولي تقنعيهوم لعل وعسى يسمعو ليك
زمرد بحرقة: لا ديك الدار هي لي مستحيل نرجع ليها.
كنزة: على الاقل ابنتي شوفي غير ماماك هي مدارت ليك حتى حاجة
زمرد بحزن: عندك الحق هي مدارت والو باش تحبسو مدارت والو هي حتى محاولاتش تقنع بابا باش ميجريش عليا هي بقات ساكتة هئئ بقات ساكتة مدافعاتش عليا هئ هي مدارت والو مدارت تاشي حاجة
كنزة بحزن: صافي ابنتي كلشي غيفوت يالاه سيري لبيتك تنعسي! و متفكري فوالو
زمرد مسحات دموعها لي هبطو بدون شعور: انشاء الله اخالتي تصبحي على خير

وكل واحد كيفاش نعس كاين لي ناعس مرتاح كاين لي ناعس ممرتاحش نفسيا

صباحنا مودة ورحمة 🌼☉

نبداوه من عند منصف

لي كان ناعس فوق الكرسي فالبيرو ديالو وعاقد الملامح ديالو باين عليه ممرتاحش فالنعسة ، حتى تسمع تيليفونو كيصونو.. فاق على صوت تيليفونو هزو لقاه صاحبو لي كيصوني

منصف بصوت رجولي مبحوح حيت يالاه فايق: مالك نتا على صباح بايت تحلم بيا
معاذ: واش باقي ناعس ا صاحبي؟
منصف : من لخر لاش مصوني ؟
معاذ بدا تيضحك: هههههه! من لخر عندنا اجتماع من هنا ساعتين غنجي للشركة دبا بغيت دوك الوراق ديال الصفقة
منصف: اوكي

وقطع عليه ناض وضهرو كيضرو بالسيف وهو بايت ناعس فوق الكرسي ، هبط هز طوموبيلتو نيشان لدار يدوش ويبدل عليه دوك الحوايج

#يتبع...