حب نتيجة خطأ طبي

الجزء المئة و الثامن و العشرون

حب نتيجة خطأ طبي
#بارت128♡♡

فالداخل فالديبو زمرد لي ناعسة بلبسة طبية فاللون الازرق ناعسة فاقدة لوعيها بحكم البرا لي عطاوها غتخليها تفقد الوعي مدة طويلة...

يزيد: صافي مشينا...
إدريس: صافي نقدرو نبداو...
يزيد: نتوما بقاو واقفين برا مبغيت حتى غلط...

خرجو دوك لي كارد على برا.. اما فالداخل تقدم إدريس عند زمرد بقا كيشوف فيها شحال...

يزيد: ياكما بقات فيك هههه
ادريس: نقدر نبدا؟
يزيد: بطبيعة الحال...

هز قفازات فإيديه لبسهم و جاب واحد الطاولة عامرة بالأدوات الحادة كلهم ممعقمينش البلاصة كاملة موسخة...

طلع ليها لبستها حتى بقا غير صدرها لي مغطي اما الكرش باينة... هز مشرط فإيديه وحطو كيرسم بيه البلاصة منين غيبدا...

إدريس: الكلاوي ديالها هما اللولين... عاد القلب.. منبعد دوك الأعضاء لآخرين لي مزال صالحين للبيع....
يزيد: شغلك هاداك مهيم مبغيت حتى شي غلط...

قبل حتى ميبدا خدمتو تسمع الصداع على برا وصوت القرطاس لي تطلق... يزيد لي داخت بيه بقا غير كيدور فبلاصتو.. اما إدريس لي وجهو ولا صفر إيديه كيترعدو هادي هي اللخرا ليه..

عند سيلفيا لي وقفات من بلاصتها مصدومة شكون اقدر يوصل ليهم...

على برا كان منصف و معاذ وداك دري لي مكلفو اراقب سيلفيا... مضاربين مع 4 ديال لي كارد كروشي ليك وكروشي ليا...

معاذ لي شاد واحد خونا هبط عليه بالكروشيات حتى فقدو توازنو ودار عند لاخر عطاه ضربة لراسو حتى طاح الأرض والدم هابط من نيفو... هبط عندو معاذ حيد ليه السلاح لي كان فإيديه...

اما منصف لي باقي مضارب حتى عطاه داك خونا بونية لوجهو... هنا جعر ديال بصح اصلا طالعة ليه و مكانش ناوي يضارب هو زربان ياخد زمرد وهادو شادينو...

هز رجليه حتى للسما عطاها ليه لكرشو جابو طايح الأرض نزل عندو بقا عليه بالضرب هادي تنفع هادي ضر حتى مبقاش قاد...

وقف ومشا عاون معاد على واحد المكلضم قدو قداش تحاماو عليه عطاوه قتلة ديال الغدايد....

وقفو كيسوسو فحوايجهم والعرق كيتصبب من جبينهم..

منصف: معاذ يالاه ندخلو...
معاذ: بلاتي اقدرو يكونو رجال خرين فالداخل خاص ناخدو احطياطاتنا...
نطق هاداك دري: يالاه انا نعاونكم...
منصف: لا محسن تقدر تمشي كنشكرك عاونتينا بزاف وفلوسك غنصيفطهم ليك يالاه تهلا...
محسن: ولو على راس والعين... نخليكم دبا ردو البال لراسكم...

فالداخل دنيا مرونة كيقلبو منين يهربو ولكن من زهرهم مكان منين يخرجو..

سيلفيا بخوف: ياك ميكون منصف هادا... هادي هي اللخرا لينا كاملين...
يزيد معصب: سكتييي وباااش غييععررف البلاااصة متكوووني غيير نتي لي وصلتييه لينا مكللخة متتتعرفي ديرييي ححتتىى ححاااججة مقادة.... الاااا كااان هو راه غيكوووونووو تبعوووك المكلخة
#يتبع...