حب نتيجة خطأ طبي

الجزء المئة و الرابع و العشرون

حب نتيجة خطأ طبي
#بارت124♡♡

فالفيلا بالضبط فالجردة وقفات سيلفيا بسيارتها هابطة كتمشا ناحية الخدامة لي كانت كتسقي فشي غرس تما ... وصلات حداها ونطقات...

سيلفيا: كاين منصف؟
الخادمة: مرحبا انسة سيلفيا... لا مكاينش خرج ولكن امكن ليك تسنايه بينما جا.

سيلفيا: لا انا جيت غير باش نشوف خالتي كي بقات...

الخادمة: اه تفضلي دخلي غتلقايها فغرفتها..

مشات سيلفيا داخلة متاجهة البيت لي قالت ليها عليه الخدامة...
وصلات حلات الباب لقات الممرضة كتقاد ليها الدوا فالسيروم...

سيلفيا: خرجي بغيت نبقا معاها بوحدي...

داكشي لي دارت الممرضة خرجات وسدات معاها الباب...

اما سيلفيا مشات جلسات جنبها فالسرير...

سيلفيا: خالتي الغزالة هه مكنتش باغة يوقع ليك هادشي ولكن معندي مندير باش نبعد ديك لي كتسمى زمرد من الطريق خاص ضروري شي حد توقع ليه شي حاجة... ولكن شوفي نتي ناعسة هنا بحال الميتة.... اعلم الله واش غتفيقي ولا لا.... حتى الا متي ماشي مشكيل الله يرحمك ههه... اه بالمناسبة مغتموتيش بوحدك انا غنصيفط ليك مرات ولدك تونسك هههه

تمات سيلفيا خارجة من بعد ديك الهضرة كاملة لي قالت وفالطريق تلاقات مع رانيا... رانيا لي مهضراتهاش ولا هزات فيها العين دارت بحال الا مشافتهاش كاع...

سيلفيا فخاطرها(مال هادي حتى هي.... ونا مالي اصلا)

خرجات ركبات طموبيلتها ومشات فحالها...

تعاشات العشية عند منصف لي يالاه راجع لدار مهلوك منبعد نهار كامل وهو كيحاول يوصل ل يزيد ولا يعرف البلاصة فين كاين والو غبر ليه الاتر وصيفط رجالو حتى هما كيقلبو عليه وباقي ملقا حتى جديد....

وهو فطريقو لبيتو سمع شي صوت من بيت لالة فاطمة...
ملي دخل لقا الممرضة تما كتقاد ليها شي حاجة... فالجهاز ديال القلب

منصف: اشنو واقع؟
الممرضة: نبضات قلبها مخربقين وخاص ضروري طبيب الا بقاو بحال هكا اقدر النبض ديالها اتوقف..

منصف(بعصبية): اوا اشنو كتسناي حتى تموت عيطي على الطبيب...
داكشي لي دارت هزات تيليفون وعيطات على طبيب لي متبع حالتها هي ولالة الياقوت...

دازت نص ساعة وهاهو طبيب يالاه جا...

دخلوه البيت عند فاطمة قاس ليا الضغط ديالها و دقات القلب دار ليها فحص شامل على صحتها كاملا...

منصف: اشنو واقع واش كلشي مزيان؟
طبيب: خاص ضروري تنقلوها المستشفى خاصها تبقا تحت العناية المركزة نبطات قلبها منخافضين والضغط عندها مخربقين...

منصف: ولكن شنو سبب هادشي...
#يتبع..