حب نتيجة خطأ طبي

الجزء مئة و الحادي عشر

حب نتيجة خطأ طبي
#بارت111♡♡

عند رانيا لي جالسة فالبيت عند ماماها كتشوف فيها ديما عندها امل بلي غتفيق عما قريب بقات ساهية وكتشوف حتى تحل الباب عند بالها الخدامة..

رانيا: غير خرجي ممحتاجا والو بغيت نبقا معاها بوحدي...
معاذ: كتجري عليا ؟!

رانيا دارت بالزربة ميسحابش ليها بلي غيكون معاذ..

رانيا: س سمح ليا اسحاب ليا بلي الخدامة لي جات.
معاذ مشا جلس مقابل معاها فواحد الفوطوي حاط رجل على رجل وكيشوف فرانيا عكس رانيا لي كان كيعرفها شحال هدا ماشي هي هادي لي قدامو الحزن مكتاسي ملامحها الطفولية.. عينيها فيهم كآبة كبيرة لي تا واحد محاس بيها الضحكة مبقاتش كتزورها حتى من حالتها مبقاتش مسوقة ليها...

معاذ: رانيا مالكي وليتي هكا امم ماشي هادي هي رانيا لي كنت كنعرف رانيا لي ديما ضاحكة وناشطة!!

رانيا هاد الهضرة بحال الا حكات ليها على الضبرة نزلات دمعة حارة على خدها مبينة الاوجاع لي مخبياهم شحال هدا...
رانيا(مسحات دمعتها دغيا): كيفاش بغيتيني نكون امعاذ امم كفاش بغيتيني نكون مشفتيش حالتنا كيف ولات ماما بين الحياة والموت (تنهدات بالم) و خالتي فاطمة محال واش تفيق مسمعتيش الأطباء اش قالو زمرد تا هي معرفناها فين كاينة واش بيخير ولا لا واش حية ولا لا(هبطات عينيها كتحاول تخبي دموع لي على وشك اهبطو) اما خويا منصف مبقيتش كنعرفو مشفتيهش كفاش ولا حتى هو هئىئ(خرجات ليها شهقة) هادشي كامل داز عليا و بغيتيني نكون ضاحكة هئىئ هئىىئ...

معاد لي قلبو ضرو من جيهتها مكرهش ادير ولو حاجة بسيطة تقدر تفرحها مقدرش اتحمل دموعها انزلو... مشا قرب لعنها جلس حداها فطرف الناموسية جرها لعندو معنقها خاشيها ف حضنو بحال الا كيقول ليها انا معاك كلشي غيفوت...

معاذ: ششش متقوليش هكا كلشي غيدوز نشاء الله هادي غير فترة وغدوز كلشي غيرجع كيفما كان كوني قوية على قبل ماماك غتفيق ومغتبغيش تلقاك فهاد الحالة..
رانيا كانت محتاجة لي يواسيها ويقول ليها انا معاك كانت محتاجة لحنان لي ملقاتوش... معاد بهاد العناق حسات براسها بلي فعلا كتعني ليه شي حاجة وخايف عليها متردداتش ولو تانية باش تزيد تمخشى فيه وتبادلو حتى هي نفس العناق...

رانيا: نشاء الله كنتمنى يرجع كلشي كيفما كان...

بقاو على داك الحال معانقين حتى بعد عليها معاد شد وجهها بين يديه وطلع ليها راسها حتى جات عينيها فعينيه..
معاذ: منبغيش نشوفك كتبكي مزال اوكي؟
رانيا كتافات فقط تحرك راسها باه..

معاد ناض من حداها خرج فحالو اما رانيا لي جالسة وقلبها كيفرفر معرفاتش اشنو وقع ليها فقط الهضرة لي قال ليها قدرات تزرع الطمأنينة فقلبها وترتاح نوعا ما حسات بلي فعلا شي واحد واقف جنبها حيت معندهاش ختها لي تحن فيها زمرد لي كانت كتفهمها مبقاتش...

نمشيو عند منصف لي مشا ديريكت ل الشركة دخل المكتب ديالو بقا كيتسنا فيهم اجيو..
ما هي الا دقائق قليلة حتى تم داخل امجد معاه معاد وشي رجال اخرين كان عيط ليهم فالتيليفون باش اجيو عندو...
#يتبع...