حب نتيجة خطأ طبي

الجزء التاسع و الخمسون

حب نتيجة خطأ طبي
#بارت59♡♡

تقدم منصف شد من عندها صاك وخرج سابقهم للطموبيل...

تبعوه حتى هما متوجهين الفيلا..
دقائق قليلة حتى كانو وصلو هبط منصف تبعاتو زمرد حلات الباب لماماها هزات ليها صاكها، رما السوارت ل الكارد باش إباركي طموبيل...

دخلو الدار لقاو لالة الياقوت جالسة وحداها رانية.. حتى كيسمعو حس شي حد
ضارو بان ليهم منصف و زمرد و واحد المرا معرفوهاش..

لالة الياقوت :سلام جيتو(وكتشوف ف فاطمة باستغراب)
منصف(تقدم جلس فوق الفوطوي وحداه زمرد وفاطمة): الواليدة هادي الام تاع زمرد غتبقا معانا فالدار.
لالة الياقوت(جاتها عجب ولكن تقبلات الفكرة معندها مدير): اه مرحبا بيك معانا ا لالة
فاطمة(بابتسامة):شكرا ليك..

عيطات لالة الياقوت على الخدامة طلعات فاطمة هزات عليها حوايجها و مشات توريها البيت ديالها فين جا...
اما زمرد لي طلعات لبيتها بغات دوش تحيد عليها العيا ديال هاد نهار...

دخلات دوشات طرفات حالتها ريحتها لي ولات زوينة بلي جيلدوش ديالها و الكريمات باش دهنات الجسم ديالها...لوات فوطة بيضة على جسمها وفوطة وحدا خرا على شعرها...

خرجات من دوش مع حلات الباب تخرج حتى كيبان ليها جالس فوق واحد الكنابي فالبيت هاز تيليفونو...غير شافتو رجعات بالزربة زدحات الباب ديال الدوش تكات عليه وهي كتنهج..

اما منصف لي جالس هاز تيليفون كيبقشش فيه حتى سمع الدوش تحل هز عينيه لقاها هي خارجة بفوطة وجسمها الابيض باين اصلا ديك الفوطة مساترة والو يالاه غيبدا يطلع ويهبط فيها ...مجا فين يستوعب الامر حتى طارت من قدامو بسرعة...هو بقا غير كيبحلق فيعينه...وعا على راسو عرف بلي باغا تبدل حوايجها وهو يخرج من البيت زدح الباب باش تسمعو وتخرج زعما راه خرج...

اما زمرد لي حلات باب دوش بشوية مبينة غير راسها كدور عينيها فالغرفة ياك ميبان ليها ساعة مكاينش تنهدات بارتياح و هي تخرج مشات البلاكار جبدات منو دو بياس فاللون الرمادي لبساتهم مع واحد الكسوة هابطة شوية مخلية سيقانها من لتحت يبانو نص كم فاللون البرتقالي نشفات شعرها بالسيشوار رطبات وجهها و شنيفاتها صافي وهبطات لتحت تجلس معاهم بينما وجد العشا...

#يتبع