حب نتيجة خطأ طبي

الجزء السبعون

حب نتيجة خطأ طبي
#بارت70♡♡

اما رانيا لي من الصدمة توقفات على الحركة و عينيها خارجين بقوة الصدمة مقدراتش تجاوب معاه و مقدراتش تبعد فنفس الوقت..

باقيين متقاربين رانيا عاد فاقت من الصدمة ناضت بالزربة بعدات عليه مشات كتجري دخلات الفيلا... حشمانة و مصدومة متوقعاتهاش من معاذ..

انا معاذ لي لي راسم ابتسامة عريضة على شفايفو و يديه حاطها على قلبو كيدوز عليه..

معاذ:هااااااح ا رانيا وشنو درتي فيا...

شوية عاق على راسو و هو يتوكض

"معاذ فيق اصاحبي فيق"

ناض قاد حوايجو و تمشى خارج فحالو..

نرجعو عند رانيا

مشات كتجري لبيتها سدات عليها و هي مصدومة..

رانيا:اويلي ويلي باسني(حطات يديها على شفايفها) و الله حتى باسني هنننن علاش قرب مني علااش اويلي واش معاذ هذا...

بقات كتهضر مع راسها بحال الحمقة حتى تهدنات و خرجات من بيتها... لقات ماماها و فاطمة عاد رجعو من على برا جالسين فالصالون و زمرد معاهم..

جلسات رانيا حتى هي لي باينة عليها الفرحة وعلاش لا وهي تهنات من الكابوس ديالها مبقاش غيبرزطها خصوصا ملي كتفكر بلي هادشي كامل الفضل ديالو كيرجع لمعاذ...

رانيا:ماما جيتو..اوا اشنو درتو
لالة الياقوت: اه ابنتي جينا مشينا شرينا شي حوايج و رجعنا...

لالة الياقوت: اه! بالمناسبة العرس مبقا ليه والو خاص نبداو نوجدو من دبا على الله نكملو من هنا ل 5 يام...
هضرات رانيا بحماس: اه اه اماما خاص نشوفو الحوايج ديال العروسة وحوايجنا حتى حنا وخاصنا نجيبو شي ميكاب ارتيست وبزااااف ديال الحوايج...
فاطمة:اه اه ابنتي هادشي كامل خاص نشاء الله...
لالة الياقوت:خاصنا نبداو اول حاجة بالديكور ديال الجردة والطبالي و شي تريتور حتى هو ضروري...

تكلمات رانيا:زمرد نتي اش راه عرسك هدا قولي لينا اشنو بغيتي نديروه ليك..
زمرد(حشمانة): صراحة لي درتوها انا معاكم ولكن....كنت ديما كنتمنى نلبس الكسوة البيضة فعرسي.. وخا بابا مغيكونش معانا ديما بغا يشوفني بالمسوة البيضة و هو لي يوصي منصف عليا

لالة ياقوت تآثرات بهضرة زمرد لي عينيها غرغرو و فاطمة تاهي ابتاسمات لبنتها بزز

لالة الياقوت بحب: جاتك ابنتي نشاء الله غتلبسي احسن كسوة..

زمرد(عينيها لمعو):شكرا ليك بزااف

#يتبع...