حب نتيجة خطأ طبي

الجزء المئة و السابع و السبعون

حب نتيجة خطأ طبي
#بارت 177♡♡

زمرد: اش كدير خلعتيني..

منصف: مبغيتيش نرقصو بجوج؟؟

زمرد شافت فيه باستغراب اويلي واش هدا منصف ولا غير كنتخايل  نرقصو واش هدا منصف لي بغا اشطح ولا اشنو...

زمرد: ااه احم لا ماشي مبغيتش..
منصف معطلهاش دغيا تقدمو لوسط الناس وبداو حتى هما كيتمايلو مع الاغنية نقدرو نقولو بلي غير منصف لي متحكم فالرقصة.. اما زمرد حاكمها التوتر ديما فاش كتقرب منو كتحس بإحساس فشكل وخا دوزات معاه هاد الوقت باقي كتحشم منو حتى من منصف لاحظها فيها.. لاحظ بلي متوترة وممرتاحاش معاه فالرقصة..

منصف(همس فودنيها): مالكي خايفة مني ولا شنو؟!

زمرد: لا علاش غادي نخاف منك..

منصف: دوزتي معايا هاد المدة كاملة وباقي مولفتي..

زمرد: شكون قاليك مولفتش بالعكس..

منصف: ومالك مستريسية..

زمرد: والو غير ضارني راسي..

منصف(بعد عليها كيقيس ليها فراسها): كيضرك راسك ياكما طالعة ليك سخانة.. شربتي شي دوا ولا لا... الى كنتي عيانة يالاه نرجعو للدار..

زمرد شافت فيه مطولة وكفاش انفاعل ملي قالت ليه كيضرني راسي..
منصف: هييه كنهضر معاك...

زمرد: لا ماشي شي حاجة راه شربت المهدئ ديال الراس مبقاش كيضرني بزاف..

منصف شد فيديها وجرها لواحد الطابلة كانت حداهم جلسها وجلس حتى هو حداها..
ومنصف هز تيليفون من جيبو كيجاوب على الميساجات ديال الخدمة لي وصلوه...

داز الوقت
صافي ناس شبعو شطيح كل واحد مشا شد بلاصتو من غير رانيا ومعاذ لي باقي واقفين حتى تمو جايين جوج سربايا جارين طارطة ديال العراسات كبيرة باللون الابيض ومزوقة بالذهبي وفالفوق منها جوج عرسان واقفين لابسين الكحل والبيض...
حطوها قدامهم مع موس كبير باش اقطعو.. معاذ شاف فرانيا وحتى شافت فيه هزو الموس بجوج رانيا شاداه ومعاذ حاط يديه عليها
طلعو الموس الفوق وتمو هابطين بيه حتى قطعو طرف ديال الكيكة حطوه فطبسيل و هزو بجوج بيهم فرشيطات بدا معاذ لي قطع شويا من الكيك عطاه لرانيا ورانيا حتى هي دارت نفس الشيء...

داز الوقت
والناس بداو كيتفرقو ويمشيو لديورهم حيت صافي العرس يسالا بدا كيخوا عند معاذ لي باقي هو ورانيا جالسين حتى همس ليها معاذ فودنيها...

معاذ: رانيا... نهربوو...

رانيا شافت فيه ديك شوفة ديال منيتك: منيتك امعاذ فين غنهربو تسنا غير نودع عائلتي...

معاذ: واخا الالة ودعيهم.. يالاه..

رانيا ناضت جارة كسوتها متاجهة جهة عائلتها فين مجموعين كيودعو الناس.. تقدمات عندهم وعنقات ماماها من اللور حاطة راسها على كتافها..
رانيا: ماما غنتوحشك..

لالة الياقوت: حتى انا ابنتي غتوحشك..

رانيا: مكرهتش نبقا معاكم ديما..

لالة الياقوت دارت عندها: ولاواه ابنتي نتي خاصك تمشي لعند راجلك..

رانيا عنقاتها وزيرات عليها حتى شبعات عاد بعدات عليها ودارت عند باباها حتى هو عنقاتو وباست ليه راسو وخا مساخياش... ولكن كتحاول تخبي دموعها معندهم باش انفعوها... مشات جهة زمرد حتى هي عنقاتها وحتى زمرد بادلاتها العناق..  عاد مشات جهة منصف بقات واقفة كتشوف فيه حتى تقدم منصف هو براسو عنقها وطبطب عليها..

بقاو شحال كيهضرو ويتوادعو حتى مشا الحال عاد قالت لالة الياقوت بلي معاذ كيتسنى فيها خاصهم امشيو مشا الحال...

#يتبع..