حب نتيجة خطأ طبي

الجزء الواحد و الخمسون

حب نتيجة خطأ طبي
#بارت51♡♡

زمرد لمحات سارة جاية جيهتها ناضت تسلم عليها تلاحت عليها معنقاها حيت توحشاتها جلسو كيسولو على الأحوال ديالهم حتى جات الخدامة سولاتهم واش يشربو شي حاجة..  بجوج بيهم بغاو قهيوة، مشات الخدامة خلاتهم

عند امجد

لي دخل الفيلا سلم على ماماه اما رانيا مشات ل لافاك.. دخل لبيتو دوش بدل حوايجو و خرج يتلاقى مع صحابو حتى كتبانلو جالسة كضحك مع شي واحد جاتو غريبة حيت كان شافها آخر مرة ملي سافر و دابا عوتاني شافها عندهم فالدار! للحضة سهى فالابتسامة ديالها وعلاش لا و هو السفر كامل و هي كطيح ليه فبالو معرفش علاش فيها شي حاجة كتجدب ماشي بحال البنات لي عرف من نهار الحفل و هي محفورة فعقلو و نقدرو نقولو حتى قلبو...

امجد: هاااح لقيتك والله لا فلتك...

لبس نضاضرو و غادي خارج و الابتسامة مرسومة على وجهو و كيلعب بسوارت الطموبيل فيديه

نرجعو عند البنات لي بقاو مجمعين و يضحكو حتى نطقات سارة

سارة: زمرد مهداكش الله تسامحي مع ماماك حشومة..
زمرد الملامح ديالها باين عليهم التعب: علاش انا كرهت اسارة و لكن لي داز عليا ماشي قليل.
سارة:عارفا احبيبة و لكن خاصك تسامحيها كتبقى ماماك
زمرد: و لكن بابا...
سارة بجدية: باباك الله يرحمو ا زمرد...

هاد الجملة بالضبط كانت كفيلة تشعل النار فقلب زمرد و كلمة باباك مات كتردد فالمساميع ديالها متقبلاتهاش كفاش!!!!كفااش باباها مات كفاش مات قبل متشوفو ولا تودعو كفاش مات قبل متسامح معاه واش صافي!!! صافي مشى مبقاش غيرجع واش مغتسامحش معاه!! مغتبقاش كلمة بابا تخرج من لسانها!! تفكرات آخر حاجة قالتها ليه هيا {عمرني نسمح ليك ابابا}.. كانت باغا تصالح معاه و تعاود تعنقو وتشم ريحتو و تقول كلمة بابا و تحس بيها كان هو السند ديالها و الدرع الحامي ديالها مشا مبقاش!!!! (احسنو لمن تحبون والله ان الشوق بعد الموت لا يطاق💔💔)

سارة كتشوف فردة فعلها لي كانت بحال الجماد مكترمشش هي فصراع مع افكارها.. سارة كتعيط ليها والو ما من مجيب مشات حركاتها باش لعل و عسى تفيق من سهوتها و دير شي ردة فعل وخا تغوت او تبكي... ساعة فقدات الوعي ديالها بين يدين سارة طاحت مغيبة
سارة تخلعات جمد ليها الما فالركابي ملي شافتها مغيبة بين يديها

#يتبع...