حب نتيجة خطأ طبي

الجزء المئة و السادس و السبعون

حب نتيجة خطأ طبي
#بارت176♡♡

عند زينب لي باقي واقفة كتمسح دموعها لي مبغاوش اتحبسو غير قدام خوها حاولات تهدن راسها وصافي..

حسات بشي حد وقف موراها وهي دور بشويا وباقي رموشها فازكين بالدموع.. دارت لقاتو اياد لي واقف خاشي يديه فجيابو وكيشوف فيها..

إياد: علاش واقفة هنا بوحدك؟

زينب(بتوتر): احم لا غير خرجت نشم الهوا وصافي..

إياد(مد يديه طلع ليها راسها حتى تقابل وجهو مه وجهها): كتبكي؟

زينب: لا مكنبكيش...
بعدات عليه بالزربة وهي تمشي الحمام ديريكت قادات حالتها ومكياجها لي تخربق هدنات راسها وتمشات للقاعة داخلة لقات رانيا باقي مهبطات..

اما عند إياد لي واقف ساهي بعيد كيفكر فالخدمة لي قاليه منصف واش اقبل ولا لا هو فعلا محتاج للخدمة قرا وضرب تمارة على الجهد عندو ديبلومات لي مقدرو انفعوه فحتى حاجة فعمرو 29 سنة وباقي مدار والو فحياتو تمنى حتى هو خدمة استقر فيها ماشي كل مرة خدام فبلاصة وعمرو ترسم فشي خدمة...

تنهد بملل ودار فحالو راجع للقاعة...
نمشيو للقاعة فالفوق بالضبط فالبيت فين كانت رانيا لابسة لاغوب البيضة لي مشدودة من جهة الصدر ومنبتة بالاحجار الكريمة هابطة حتى التحت وجات وااسعة و مجرورة من اللور مع تاج فالبيض فوق راسها وشعرها لي طلقاتو ودارت ليه بوكلي باش اجيها مع تاج مع طالون عالي..

بقات كتشوف راسها فالمراية شحال ودور غير فبلاصتها حمقاتها الكسوة شحال تمنات تشوف راسها بلاغوب البيضة وهاهي دابا لابساها ونهار عرسها..

رانيا: زمرد كيف جاتني الكسوة!

زمرد: جيتي غزالة تبارك الله باقي خاص غير العريس اجي باش تهبطو لتحت..
مدازش الوقت بزاف حتى تسمعو دقات فالباب..
حلات واحد البنت الباب بان ليها معاذ لي واقف..

معاذ: رانيا واجدة؟

البنت: اه واجدة دخل...
دخل معاذ غير راسو حتى كتبان ليه رانيا وقفة مقابلة معاه كتشوف فيه تم داخل بخطوات تابتين وعينيه مفيكسين على رانيا كيطلعها وينزلها.. وصل حداها شابك يديه مع يدها ودوا فودنيها بهمس لي خلاها تبورش...

معاذ: الاميرة ديالي جيتي زوينة...
رانيا لي بتاسمات وعينيها فعينيه عجباتها ديك الاميرة ديالي.. حتى قاطعها معاذ..

معاذ: واجدة نهبطو..

رانيا: اه واجدة..
يالاه بغاو اخرجو حتى تفكرات رانيا بلي مهزاتش الورد نساتو..

رانيا: تسنااا نسيت الورد..

دارت عند زمرد

لقاتها مداتو ليها تبسمات ليها وشداتو من عندها..
مشاو خرجو كيتمشاو فالكلوار حتى وصلو للدروج وتمو هابطين كيبانو مواتيين بعضياتهم بزاف... اما رانيا توترات من نضرات ديال الحضور ليها شدات فمعاذ كتر زيرات عليه حتى معاد زير على يديها بحال الى كيقولها انا معاك..

وصلو للتحت وقفو فالنص ديال القاعة وتطلقات اغنية رومانسية للعرسان باش ارقصو قبل ميقطعو الحلوى..

معاذ حاوط رانيا من خسرها مقربها ليه وبداو كيتمايلو مع انغام الموسيقى كذلك الناس لي حاضرين لي جاب معاه مراتو ناض هو وياها يشطحو.. اما منصف كيقلب بعينيه على زمرد مبانتش ليه جاتو عجب فين غتكون مشات.. حتى كتبان ليه هابطة من الدروج باينة بلي كانت الفوق خلاها حتى مشات جلسات بلاصتها وهو يمشي عندها جرها يديها مقربها لعندو...

اما زمرد لي كانت جالسة كدور فعينيها وتحرك غير بلاصتها حتى حسات براسها مجرورة طلعات عينيها مخلوعة لقاتو منصف لي كيشوف فيها...

زمرد: اش كدير خلعتيني..

#يتبع...