حب نتيجة خطأ طبي

الثامن و السبعون

حب نتيجة خطأ طبي
#بارت78♡♡

باقي خدام ترددات فاللول باش تمشي عندو و لكن وكلات امرها لله و تمشات ناحيتو مزيرة على صباع ايديها...

مشات وقفات ليه عند راسو والهضرة واحلة فحلقها... منصف طلع راسو فيها لقاها واقفة عليه..

منصف: بغيتي شي حاجة..
زمرد: الا اه اه زعما..

منصف شير ليها جهة الفوطوي قدامو زعما جلسي... زمرد فهماتو و جلسات حادرة عينيها و كترجع شعرها مورا ودنيها...

منصف: وي كنسمعك
زمرد: بغيت نقوليك بلي بغيت نرجع نقرا..
منصف باستغراب: علاش نتي مكتقرايش؟
زمرد: احم لا كنقرا غير هو شحال هدا ممشيت ل  لافاك
منصف: و علاش مكتمشيش؟ حبسك شي واحد؟

زمرد شافت فيا باستغراب هي خايفة يغوت عليها الا مشات بلا خبارو و هو كيقول ليها شكون حبسك يعني عندو زايد ناقص...

زمرد غمضات عينيها و عاود حلاتهم: كنت بغيت نقولها ليك غير ملقيتش الوقت المناسب و خفتك متخلينيش نخرج...

منصف دار نصف ابتسامة و دغيا جمعها : امم لا انا مغنحبسكش على شي حاجة نتي باغاها بغيتي تمشي تقراي قوليها ليا و نخليك عمري نوقف فطريقك..
زمرد تنهدات بارتياح ابتسامات ليه و قالت: شكرا...

ناضت وقفات خرجات من البالكون...هو تبعها بعينيه حتى خرجات من البيت و عاود هبط عينيه على البيسي مكمل خدمتو حيت قالت ليه لالة الياقوت بلي اليوم غدير اللقاء الصحفي و خاصو يكون موجود... هبطات زمرد التحت لقات لالة الياقوت و رانيا و فاطمة جالسين فالصالون، مشات جلسات حداهم..

لالة الياقوت: زمرد كيفما كتعرفي اليوم غيكونو عندنا الصحافة على قبل عرسكم نتي و منصف..
زمرد: اه فخباري ا خالتي..
لالة الياقوت مبتاسمة: طلعي لبسي عليك شوية و غيجيو..
زمرد: اه واخا.. اجي بعدا واش غيدخلو للدار و لا غير فالجردة..
لالة الياقوت: لا ابنتي غير على برا نعلمهم بالخبر منبعد يمشيو هادا هو المهيم هو العرس بغيتو يكون زوين...

ابتاسمات ليها زمرد و طلعات لغرفتها تبدل كيفما قالت ليها وخا معندهاش بزاف مع كثرت بنادم و لكن معندها مدير تبقى شادة ليها الخاطر...

حلات دريسينغ و بقات كتشوف و تقلب فدوك الحوايج واش كاين متلبس و لا لا بقات هكاك شي 10 دقايق و هي غير كتقلب...

زمرد:اففف هادشي كامل و ملقيتش منلبس...

#يتبع...