حب نتيجة خطأ طبي

الجزء السابع و الثلاثون

حب نتيجة خطأ طبي
#بارت37♡♡

منصف:تخطبتي هه؟
سيلفيا:وي!

منصف تخطاها راجع للحفل و هي استغربات حيت مدار حتى ردة فعل.. أما هو بقى غادي موقف غير قدام زمرد لي جالسة حتى كيبان ليها خيال ديال شي حد واقف عليها هزات فيه عويناتها الكبار المشفرين، لقاتو هو استغربات مالو علاش واقف عليها منصف مد يديه جارها حتى وقفها همس عند ودنيها  و يديه على خصرها 

منصف بهمس: غتسدي فمك و ياك تنطقي بشي حاجة تبعيني و سكتي

زمرد دخلاتها تبوريشة من القرب ديالو ليها.. حتى صوتو لي فيه بحة رجولية خلا قلبها يضرب بسرعة حركات راسها بآه و شد فيديها غادي بيها جهة المنصة و هي مدايرة حتى ردة فعل اصلا معارفاش شنو واقع بقات مصدومة.. الصحافة كانو خارجين من قاعة الحفل مت بعدما علنو على الفائز بلقب أفضل رجل أعمال ديال هاد السنة.. بقا خاصهم غير يديرو معاه استجواب لكن فاش كان خارج باش يهرب منهم حيت معندوش مع الصحافة.. و هما غير بان ليهم شاد بنت من يديها و عاديين للمنصة رجعو تياخدو صور ليه هو و زمرد..

منصف و زمرد طلعو فوق المنصة و الكل واقف كيشوف مستغرب حتى نطق منصف وهو شاد يد زمرد مطلقهاش.. اما زمرد حناكها توردو بالحشمة بقات غير تتشوف و سارة لي حتى وصلات زمرد للمنصة عاد ردات ليها البال و بقات تتشوف مفاهمة والو.. الكل كان حاضر من عائلة منصف من غير أمجد خوه لي خرج مباشرة من بعدما بارك لخوه

منصف بهدوء: واحد الدقيقة من فضلكم!!

كلشي  كيشوف فيه مركز حتى من سيلفيا لي غير كتشوف مفاهمة والو بحالها بحال زمرد

منصف: اليوم بغيت نعرفكوم بواحد الشخص (دور وجهو كيشوف ف زمرد لي حتى هي طلعات راسها كتشوف فيه ديك الشوفة ديال شنو؟؟)
منصف بتاسم: نقدم ليكم مراتي مدام زمرد العمراني

على إثر هاد الجملة الجميع تصدم الصحافيين كيصورو باغيين ينقلو هاد الحدث لي متأكدين غيدير بوووم.. اما الحضور مستغربين.. لالة الياقوت و رانيا و معاذ تصدمو كيفاش هادا مزوج

اما سيليفا واقفة مجمدة فبلاصتها گاع الوان الطيف دازو فوجهها توقعات كلشي الا الزواج..  مستحيل اخر حاجة تجي فبالها حيت كانت متأكدة بلي منصف باقي منسهاش.. سيلفيا تخطبات غير ضدد فيه و شوف هو اش دار...

سارة تكوانسات فبلاصتها صاحبتها تزوجات بلا خبارها امبوسي..

سي محمد واقف وجهو طاغي عليه ملامح البرود (كيشبه ليه منصف) اصلا متصدمش كان متوقع هادشي

#فلاش باك

سي محمد لي جاه اتصال و دخل المكتب ديالو

سي محمد: اهلا الكوميسير اش حب الخاطر
الكوميسير لي كان تكلف بقضية اختفاء زمرد: سي محمد راني شفت شي حاجة ماشي هي هاديك و نت عشرة سنين وخيرك سابق قلت نقولها ليك!
سي محمد: اييه مرحبا دوي خير نشاء الله
الكوميسير: انا حاليا مكلف بواحد القضية ديال اختفاء واحد البنت و مؤخرا شدوها كاميرات المراقبة حدا البحر حاولات تنتاحر ؛ ولكن واحد الحاجة استغربت منها هي ولدك تبعها لاح راسو مباشرة موراها

سي محمد واقف كيتصنت ليه حتى تصدم من هضرتو

سي محمد : واش امجد ولا منصف ؟؟
كومييسير: منصف اسيدي وراه حتى من عائلة البنت مرضوش ليه لبال مع الصدمة و خبيت الفيديو حتى نشوف معاك نت لول
سي محمد: صافي اولدي شكرا ليك و حاول تسد هاد القضية فأقرب وقت...صافي...اه بسلامة)

#نهاية الفلاش باك

سي محمد لي بقا تابع هاد القضية حتى اكتاشف بلي منصف داير بنت عندو فالدار و من الفوق جاب ليها كنزة تقابلها! فهم بلي بيناتهم شي حاجة.. و دابا مع التصريح ديال منصف تأكد من شكوكو..
#يتبع...