حب نتيجة خطأ طبي

الجزء الخامس و الخمسون

حب نتيجة خطأ طبي
#بارت55♡♡

رانيا بخوف: اشش كتقول نتا منيتك نتا متقدر دير تاحاجة.
إلياس بمكر: اممم منقدر ندير تاحاجة نهار متجيبيش ليا الفلوس ديك ساعة تشوفي اش غندير
رانيا تترعد بالاعصاب: ششش شحال بغيتي
إلياس باستهزاء: ودبا هضرتي ههه،5دالمليون 24 ساعة تكون عندي ولا الخبار فراسك(ختمها بغمزة)

وزاد مخليها مكوانسية فبلاصتها (اما هو لي ناوي غير ياخد داك المبلغ اعاود اطلب مبلغ آخر)

رانيا:اويلي على 5 دالمليون منين غنجيبها ليه انا اففففف اش غندير فهاد الموصيبة ياااربي تعاوني(شداتها البكية حابساها غير بزز)

مشات فحالها وهي الطريق كاملة وهي كتفكر فهاد المصيبة لي وحلات فيها معندها منين تجيب الفلوس حتى بطاقة البنك ديالها يالاه فيها نص المبلغ وميمكنش ليها تقولها ماماها حيت غدير ليها استجواب...

نرجعو عند زمرد لي داز مدة عاد فاقت شافت منصف باقي جالس تما..

زمرد بحزن: فيناهيا ماما؟؟
منصف: مشات
زمرد: بغيت نمشي لعندها
منصف: خاصك ترتاحي
زمرد:لا مبغيتش قلت ليك بغيت نمشي لعندها اصلا انا مبيا والو راه بريت

ناضت كتحيد فالسيروم بغات تمشي عند ماماها ولي ليها ليها
منصف شافها مصرة مفيه لي يتشاد معاها قال مع راسو يديها تشوف ماماها.

ناض هو خرج إقاد وراق الخروج هي بقات كتسنى فيه بينما يجي

سالاو و خرجو منصف لي قاليها بلي هو لي غيديها و ملي تبغي تجي يصوني ليها.

فعلا داكشي لي كان.. عطاتو العنوان ديال الحي فين جا، وصلها هو مشا فحالو هي بقات واقفة مدة كتشوف فالحي لي كبرات فيه الطفولة ديالها و كتفكر داك نهار فاش خرجات و حلفات لا باقي رجعات ليه ولكن بغات تشوف ماماها بغات تهضر معاها وتعرف منها كلشي..

مشات وصلات حدا الدار دقات مرة وحدة وهي تحل ليها سارة لي بقات مع فاطمة فالدار ، شافت زمرد استغربات حيت مكانوش عوالين أنها تجي..

سارة:زمرد؟؟
زمرد(بتعب):سارة كاينة ماما
سارة:اه راه لداخل دخلي عندها

تقدمات زمرد الداخل ديال الدار وگاع الذكرايات رجعو ليها هاد الدار عاشت فيها الافراح والأحزان حتى هما ،كتمشى و دور عينيها قلبها تزير عليها منين كتفكر بلي بابها مبقاش لا فهاد الدار ولا فبلاصة خرا مات!!

لقات ماماها جالسة فالصالون وملامح الحزن باينين على وجهها
فاطمة لي كانت حاطة يد على خدها و شاردة كتخمم حتى كتسمع حس شي واحد جاي عندها.. طلعات عينيها بانت ليها بنتها زمرد
بدون تردد ناضت بلهفة تلاحت عليها معنقاها

زمرد لي كانت محتاجة لداك الحضن بزااف توحشات ماماها توحشات ريحتها توحشات منين ضيق بيها الدنيا تمشي عند ماماها تواسيها ودوز يديها على شعرها وتقول ليها انا معاك!!

#يتبع...