حب نتيجة خطأ طبي

الجزء المئة و الخامس و السبعون

حب نتيجة خطأ طبي
#بارت175♡♡

داز الوقت طاح الضلام وصل الوقت لي غادي تلبس فيه رانيا لاغوب البيضة باش توادع مع عائلتها وصل الوقت لي غادي تمشي فيه..

طبعا منبعد ما وكلو الناس و دوزات العروسة اللباسي ديالها كاملين نشطو ناس فرحو وشطحو كلشي داز مزيان بقات غير تقطع الحلوة و تلبس لاغوب...
طلعو رانيا الفوق النكافات سابقينها كيف ديما وزمرد حتى هي غادة معاها..

نمشيوعلى برا ديال القاعة كان معاذ واقف ومعاه تلاتة ديال الرجال كلهم لابسين كستيمات من غير واحد فيهم لي لابس تجين وتيشورت من هضرتهم باين شي موضوع مهيم...

معاذ: راه شفتو جا العرس من قبيلا كيدور حدايا وراه دبا شويا غيجي تابعني باش اهضر معايا ونتوما ديرو خدمتكم صافي؟

الراجل اللول: صافي كون هاني خاص غير اخرج على برا مبغيناش نديرو مشاكيل فالعرس نتا خلي هادشي علينا...

معاذ: اوكي انا نخليكم دبا..

مشا معاذ بعد عليهم شويا جبد تيليفون من جيبو دار على اساس كيهضر ابيل..
مدازش الوقت بزاف حتى تحطات يد على كتفو بتاسم بجنب تماما كيفما توقع..
دار عندو بشويا وهو معلي حاجبو وداير ابتسامة جنب...

معاذ: اوهوووه بابا جا لعندي..

إدريس: مبروك عليك اولدي مبغيتش نضيع عليا عرسك داكشي علاش جيت...

معاذ:(طلعو ونزلو): هه ولدك اممم وجاي زعما محيد اللحية وصابغ الشعر زعما مغيعرفوكش؟!

إدريس: ولدي انا ندمت على داكشي لي درت معاك ومع زمرد ومنصف حتى هو انا نادم على كلشي..

معاذ: فات الفوت دبا فين كان عقلك منين كنتي كتاجر فعباد الله واش عارف اشناهي كتاجر راك كنتي كتقتل فعباااد الله اسي إدرييس..

إدريس:(كيصطانع الحزن) انا غنتبدل كنواعدك غنتبدل على قبلكم اولادي..

معاذ: امم فات الفوت..
هز يديه دار إشارة لدوك رجال لي كانو واقفين تما دغيا معطلوهش جاو بالزربة هزو المينوط دوروه على يدين إدريس وتمو جارينو وهو كيحاول اتفك منهم ولكن حاكمينو ممخلينش ليه فين اتحرك...

إدريس: معاااذ اشنوو هاادشي كديير باباااك اناا حرااام هادشي لي كديير فيه...

معاذ(بحزن باين عايه كيحاول اخبيه): ههه بابا اااه بابااا ههه بابا لي مجرم وكبرنا بفلووس الحراام ااه باباا ياااك...

قال شنو عندو وتم راجع داخل القاعة هادشي لي دار اليوم مكانش ساهل عليه ابدا ولكن كان مضطر اصيفطو الحبس لعلى وعسى يدير عقلو هو معارفش واش اقدر اسمح ليه ولا لا ولكن لي عارف دبا هي انه مستحيل اسمح ليه دبا اقدر الوقت انسيه كلشي ولكن ماشي دباا..
مع دار راجع القاعة لقا موراه ختو زينب لي دموعها خانوها وهي كتشوف فباباها لي كان فنضرها ملاك كانت حاسبة باباها هو المصدر لي كتحس بيه بالآمان.. وخا معاذ كاين وكيحاول اعوضها على النقص لي كتحس بيه ولكن كتبقا بلاصة باباها محفورة فقلبها خصوصا هي باقي صغيرة يالاه دارت 17 سنة محتاجة بزاف للحنان ولي يوقف معاها محتاجة عائلتها كاملة تكون جنبها..

معاذ: زينب اش كديري هنا...

زينب: هئئئ هىئ واش بابا هاداك ههئىى مشا الحبس ياك..

معاذ قرب منها شد وجهها بين يديه: زينب متبكيش اختي.. نتي عارفاه مزيان شنو دار ميمكنش ليا انا نسامحو منبعد هادشي كامل لي دار هو راه كاان..(تردد باش اقولها فاللول) هو كان غيقتل مرات صاحبي و اعلم الله شحال من واحد قبل لي دار ليه نفس العملة..

زينب: هئئئ اه هو هئئى هو لي دار علاياش يمشي الحبس انا مغنبقاش نبكي عليه..

معاذ: انا فجنبك وماما حتى هي فجنبك كلنا واقفين معاك..

قربها عنقها عندو كيحاول اهدنها حتى بانت ليه تهدنات و بعد عليها...
معاذ: يالاه انا غندخل نتي غسلي وجهك وتبعيني صافي؟

زينب حركات راسها بإيجاب.. ومعاذ مشا دخل الداخل وخا هو براسو كان محتاج لي يواسيه مكانتش ساهلة عليه ابلغ بالاب ديالو ولكن خدم عقلو مخدمش قلبو...

#يتبع...