حب نتيجة خطأ طبي

الجزء الخامس و الثمانون

حب نتيجة خطأ طبي
#بارت85♡♡

امجد بقا كيشوف فزمرد الشي لي مردش ليه منصف البال و لكن زمرد عاقت بيه داك نهار فاش بقا كيشوف فيها و دبا شاف فيها شنو زعما واش تكون دارت ليه شي حاجة و هي مفخبارهاش... تخطاتو و دخلات مشات لبيتها...

🌼بعد مرور يوم🌼

نهار لي داز عادي روتيني بحال ديما.. العرس لي بقات ليه يوماين فقط..

عند زمرد لي جالسين مجموعين فالصالون رانيا فاطمة لالة الياقوت و حتى سارة لي عرضاتها زمرد توجد معاها العرس...

لالة الياقوت: هانتوما كيفما قلت ليكم العشية غيجيو هادوك من شركة تنضيم الحفلات...
رانيا: ماما و لا غوب اش درتي فيها...
لالة الياقوت: موجودة غذا غتوصل
لالة الياقوت: والدعوات خاص نصيفطهم حتى هما...
رانيا: و الميكاب ارتيست..
لالة الياقوت: غذا غتجي حتى هي
سارة: اجي زمرد مغديريش حمام العروسات؟؟
زمرد: لا ضروري غنديرو
سارة: و لكن بانو ليا هاد الناس كلاص كتر من القياس...
زمرد: ههه مهم الحمام غنمشي ليه و تمشي معايا حتى نتي و ماما..
سمعاتهم رانيا: و حتى انا غنمشي معاكم
لالة الياقوت: لفين
رانيا: و ماما راه غيديرو حمام العروسة و غنمشي معاهم حتى انا و زيدي معانا حتى نتي
لالة الياقوت مبتاسمة: حتى الغدا و نمشيو كاملين...
فاطمة: اه من الاحسن حتى الغدا و نمشيو...

بقاو العيالات كيعزلو و يختارو و كل حاجة ضاربين ليها الحساب حتى من النكافات و كلشي و التكاشط... خلاصة القول، بقا ليهم غير الديكور ديال الجردة و الطبالي و لا غوب خاصها توصل... و كانت معاهم صاحبة لالة الياقوت لي مكلفة بتنظيم العرس و هي لي تتعطيهم اقتراحات على شنو خاص يكون و تيختارو.. حتى من الحلوة ديال العرس و كلشي بأدق التفاصيل.. لالة الياقوت بغات العرس ديال منصف يكون هو عرس ديال السنة و كلشي يهضر عليه..

تعاشات العشية 💥🌼

عند زمرد و سارة و رانيا لي جالسين حاطين بيناتهم زلافة كبيرة ديال الزريعة دايرين بيها و شادين الغى ... بحال ديما البنات متحمسين العرس كتر من زمرد براسها لي حاسة بالتوتر و الخلعة كلشي تجمع عليها...

سارة هازة فيديها واحد طابليت لي واخداه لرانيا: زمرد.... هيييي و زمرد فين سهيتي..؟
زمرد: هاني معاكم...
سارة: قربي حتى نتي ا رانيا شوفو هاد لاكوب ديال العريسات شحال غزالة غتجي معاك ا زمرد متأكدة..
زمرد: امم صراحة عحباتني...
رانيا: خاصنا نشوفو بعدا لاغوب كي دايرة...
سارة: واش لاغوب غتكريوها و لا شارينها و لا شنو..
زمرد:منيتك اسارة راه غير غيكريوها ندوز بيها العرس و صافي...

رانيا شافت فيها ديك شوفة ديال منيتك..

رانيا: لا ا زمرد راك معارفاش ماما كي دايرة الا مشات حتى دارت فبالها بلي العرس غيدوز مطرطق يعني غادي دير لي لاغوب واعرة شكون عرف تقدر طلبها على قبلك...

زمرد: انا فنضري مكاين لاش حيت غير ليلة و دايزة...
سارة: ياااي تخايلي تجيب ليك لاغوب لي من ديما كتحلمي بيها...

بقاو البنات كيديو و يجيبو فالهضرة كل وحدة و رأيها كي داير و زمرد بيناتهم حتى وصلات 8 ديال الليل..

سارة: البنات نخليكم مشى الحال ماما غتغوت عليا تعطلت..

سلمو عليها البنات و هبطو لتحت سارة مشات و هما مشاو جلسو مع لالة الياقوت و فاطمة و سي محمد و منصف...

#يتبع...