حب نتيجة خطأ طبي

الجزء الثالث و السبعون

حب نتيجة خطأ طبي
#بارت73♡♡

اما زمرد لي ناضت مشات الحمام وخلات رانيا كتسناها باش اخرجو يمشيو فحالهم...

مشات زمرددخلات غسلات ايديها و عاودات دارت كلوص خفيف على شنيفها وخرجات كتسد فصاكها حتى كتحس بشي حد جرها من اديها.
زمرد:هيييي...شكون نتا
الشخص:(بشوفات منحرفة) شنو ا زين مالك(بغمزة)شفتك قبيلا منين دخلتي و عجبتني
زمرد(متوترة من هاد الموقف):لا لا حيد خليني نمشي عافاك
الشخص:ومالك مزروبة تسناي غير نهضرو بعدا...
زمرد:قلت ليك خليني بغيت نمشي واصلا انا مزوجة..
الشخص؛وشنو فيها الا مزوجة اممم
زمرد عصبها:واااش ابناادم مكتفهمش اممم قلنا ليك مزوجة زعما مابقيتو تحشمو تفوو الله يخلي ها سلعة...

تشمات وهي زعفانة طالع ليها دم
اما داك الشخص لي مرضاش تقمعو ولاكن حلفها فيها..

"واخا الالة مغتبقاش فيك"

عند زمرد لي مشات وقفات على رانيا وقالت ليها خاصهم يمشيو..

راينا ناضت تابعة زمرد مشاو بقاو كيضورو حتى دخلو لواحد المول كيضورو فيه على اساس غير يدورو حتى صدقو داخلين المول كيشريو...

رانيا لي خدات داكشي لي عجبها اما زمرد مشراتش الحوايج حيت ديجا كانت شارياهم خدات غير البرودويات ل وجهها و لي جيلدوش و كريمات مرطبين لوجهها و الجسم ديالها....خدات كاع داكشي لي غيخصها من ديما عزيز عليها تهلا فراسها وحالتها تبقا نقية وحتى وجهها مكتبغيش دير ليه الميكاب فقط كتركز أنها تعتاني بيه وتبان بشرتها نقية بلا مكياج...هادشي لي علماتها ماماها و حتى باباها لي كان موفر ليها كلشي لي كتحتاج بحكم هي البنت الوحيدة لي عندهم و مهليين فيها...

خرجو البنات محملين ب اكياس ديالهم وزمرد عاجبها الحال وحتى رانيا لي فينما مشات تبعها زمرد مشاو حطو دوك الاكياس فالكوفر ديال طموبيل...

رانيا:اجي زمرد...
زمرد اممم شنو
رانيا:اش بان ليك نمشيو لشي صالون نديرو سوان فيزاج شوفي حالتي كيف ولات ونقادو ضفيرات حتى هما اش بان ليك اصلا نتي عرسك بقات ليه غير سي يامات...
زمرد شافت فالساعة لقاتها 5 ديال العشية..

زمرد:ماشي غنتعطلو راع قلتي ليا خاصنا نرجعو بكري..

#يتبع...