حب نتيجة خطأ طبي

الجزء المئة و التاسع و العشرون

حب نتيجة خطأ طبي
#بارت129♡♡♡

سيلفيا حتى هي معصبة وخايفة: بلااا متتررد لياا انا اللومة كنتي نتا مقادش على شغلللك...

مجا فين اجاوبها حتى سمعو الباب تزدح... كلهم داور مخلوعين حتى بان ليهم منصف و معاذ...

منصف لي مع لمح زمرد مشا عندها كيجري مبقاش كيشوف قدامو ممنتابهش للاشخاص لي كاينين تما...

وصل حداها فالسرير طاح على ركابيه كيقيس فوجهها ويحاول يفيقها... قلبو تزير عليه من حالتها لي كتشفي العدو..
هزها بالزربة بين يديه غادي بيها للسيارة...

مخلي موراه معاذ لي مخرج عينيه مصدوم ف باباه... اه باباه لي عند بالو راه راه طبيب وعندو مصحة ديالو معارفش بلي باباه كيتاجر فالاعضاء البشرية...

مفيكسي عينيه فقط فبلاصة وحدة فعينين باباه مقادرش اتيق اما إدريس لي باقي هاز المشرط فإيديه كيترعد ولسانو تربط... اصلا مبقا عندو ميقول ليه كلشي واضح وضوح الشمس.. ميقدرش يكدب...

معاذ بصدمة: بب ب بابا؟؟ اشش شنو كددير هنا...
ادريس بتوثر: و ولدي سسمعني غير نشرح ليك اولدي...

معاذ كان واحد الكرسي حداه هزو حتى الأرض وضرب بيه...

معاذ بالغوات: ممااااشششي ولدك اناااااا كتتتتسسممع انااا ماااشي وللدك وميشرفنيييش يكووون عندي اااب بحاااالك مااااشي هااادي هي الابوة خسااااارة هااادشي واااحد قددك فالعمررر كيختاااطف فالناااس(شاف فإيديه لي فيهم مشرط ومقص ديال العمليات) هه ومااااشي غيير هاادي زااايدهاااا كيتاااجر فالعضاااء...

تقدم عندو معاذ ورجليه فاشلين عينيه عينيه لي حمرين شعرو مخربق وعروق الجمجمة ديالو باينين...
وصل حتى لعندو وشنق عليه من الكول ديال قاميجتو...

معاذ كيهضر تحت سنانو: هاااديي متوقعتهااااش منننك مفكرتيييش فينا حناااا ولااادك الااا مكنتيش مسوووق ليااا... علىىى الاقل فكر ف ختيي لي هي بنتتك اشش غنقول ليهااا بلي باباك صدق أكبر مجرم كيتعامل معع المافيااات امممم... مفكرتيش فمامااا لي صبراات وضحاات معاااك اش غدير الااا عرفات بلي الراجل لي عااشت معااه سنين صدق مجرم ومعيشهم بفلوس الحراام... دير فبالك بلي من اليوم مبقاتش عندك عائلة....

دار مخليه عاطيه بالضهر غادي وحالتو كتبان مضرمرة... ممسوقش لحتى واحد لا من سيلفيا ولا من يزيد لي جالس كيتفرج فهاد المسرحية لي وقعات قدامو...

خرج معاذ مشا ركب طموبيلتو ممنتابهش لمنصف لي حط زمرد فالطموبيل كيحاول افيقها كيرشها بالما والو مبغاتش تفيق حتى تخلع عليها قال ياك متكون ماتت قاص النبض ديالها بانت ليه باقة حية... تنهد بارتياح بقا كيفكر واش يدي زمرد للصبيطار ولا يمشي هي اللولة عند يزيد وسيلفيا... فالنهاية قرر اصوني على البوليس فيه لي ياخد حقو بإيديه ويقتلو ولكن مراضيش اوسخ يديه بدم ديال واحد بحال هاداك...

يالاه ضار يرجع بان ليه يزيد خارج وكيضور فعينيه... كيشوف فحالة هادوك لي كارد لي مليوحين تما..

منصف: هيييه نتاااا وووقف فيين غااادي....

يزيد ضور عينيه بان ليه منصف قاصدو وهو يعطي رجليه للريح هارب عارف راسو مشا فيها الا بقا واقف..

منصف لي عصبو ونطق بين سنانو" شمااتة معندك فين تهرب"

#يتبع...