حب نتيجة خطأ طبي

الجزء السادس و الثلاثون

حب نتيجة خطأ طبي
#بارت 36♡♡

امجد بقا ساهي فيها بدون ملل او كلل.. حتى قاطعهم صوت هاداك لي غيعلن اسم افضل رجل اعمال ديال السنة.. كلشي بدا تيصفق ليه و الأنظار توجهات ليه حتى الصحافة لي ملي بدا الحفل وهم غير تيصورو كلشي لكن مدخلو للقاعة حتى وصل الوقت ديال الاعلان رجل أعمال السنة..

بقا الكل حاضي معاه من غير منصف لي عينيه مفيكسين فبلاصة وحدة و الغموض و البرود طاغي عليه ؛ حتى كيسمع سميتو

"افضل رجل اعمال للسنة منصف العمراني مبروك عليك"

كلشي بدا تيصفق.. منصف دار لقا عائلتو كتشوف فيه فرحانة خصوصا واليديه لي مفتاخرين بيه؛ اما باقي الحضور شي فرح ليه شي حاسدو اما البنات لي غياكلوه بعنيهم.. زمرد دورات عينيها تشوف شكون هادا لي كلشي كيشوف فيه حتى كتصدم اش كتشوف قدامها!!

زمرد بصدمة: اويلي هدا اش جابو اش كيدير هنا!!؟ فين غادي؟؟ واش هو لي؟؟
سارة بعدم فهم: زمرد! مالك؟
زمرد باقا مصدومة.. سارة كدوز يديها على وجهها

سارة: هيهوووو بسم الله عليك مالك!؟
زمرد بصدمة:  هاداك لي كنت عاودت ليك عليه هو لي عتقني فاش حاولت ننتاحر !!
سارة: مالو؟!

زمرد شيرات ليه 👈🏻 سارة دورات وجها و شافت فين كتشير زمرد..

سارة: هاااح يا ختي شحال تيتيز
زمرد مخنزرة: ماشي وقتك اسارة حتى نتي

زمرد ضارت تشوف و هي تجي عينيها فعينيه لقاتو كيشوف فيها دغيا دورات عينيها و هي حشمانة و قلبها كيضرب بالجهد بحال الا كانت فشي سباق او صراع..

منصف كيشوف حتى قاطعو صوت امجد : خويا! مبروك عليك (عنقو) نخليك غنمشي ندوز واحد لابيل و نجي مشا و جاو عائلتو و بعض الحضور كيباركو ليه من غير واحد الشخص لي مكرهش يقتلو فهاد اللحظة و يتهنى منو مرضاش كيفاش خدا لقب افضل رجل اعمال لي سنين و هوا كيتسناه.. باركو لمنصف واحد واحد و اعتاذر منهم  خارج برا يشم الهوا ؛ وصل حدا الباب قاطعو صوتها

سيلفيا: منصف

بقا واقف فبلاصتو بلاما يدور عندها و بقا ساكت 

سيلفيا: مغتباركش ليا؟؟

منصف دار لعندها وهو مخنزر و دار فيها ديك شوفة ديال شنو.. سيلفيا وراتو يديها لي كانت لابسة فيها خاتم..

سيلفيا باستفزاز: راني تخطبت

منصف فهم البلان و بلي باغة تستافزو بهادشي (غتكونو مفهمتوش ياك اطط نشرح ليكوم؛؛ منصف و سيلفيا كانو كيبغيو بعضياتهم.. بالخصوص منصف لي كيحماق عليها كتر من القياس "هادشي قبل أعوام " كان مستعد يدير اي حاجة على قبلها كان غلط معاها و حملات و مندمش بطبيعة الحال حيت كيبغيها منبعد مدة وقع ليها اجهاض مات ليها الجنين و ديك الساعة كانت على علاقة بواحد الشخص لي ديجا اول واحد تقرب منها غير منصف.. منصف ملي نعس معاها كان سكران شرباتو حتى مبقاش عاقل على راسو ؛ فالخر جات قالت ليه انا مبقيتش باغاك غنتفارقو هو لي متقبلش الفكرة خصوصا ملي ساق الخبار بلي كتخونو تما زاد حقد عليها و محملهاش كفاش بنت دارتها بيه وحدة كيبغيها كثر من راسو دارت فيه هادشي.. من هداك اليوم هو تيهوي لبلاصة لي تتكون فيها لدرجة مبقاش تيمشي لدارهم بزااف لكن تاشي حد معارف موضوع الخيانة من غير صاحبو معاذ.. گاع الحب لي كان تيحملو من جهتها تحول لكره و حقد  )

منصف: اممم تخطبتي هه؟
سيلفيا: وي!

#يتبع...