حب نتيجة خطأ طبي

الجزء الرابع و الثلاثون

حب نتيجة خطأ طبي
#بارت34♡♡

بقات سارة مع زمرد مني منك حتى فالأخير قنعاتها

سارة: يالاه دخلي دوشي نقي حالتك تشوفي اختي جبت ليك واحد اللبسة فنة..

زمرد كانت داخلة للدوش حتى عيطات ليها سارة

سارة: بلاااتي تسناي ؛

سارة حلات الصاك جبدات الآلة ديال الواكس و خدماتها..  خلاتها دوب

زمرد: اش بغيتيها حتى هي؟؟ ومنين جبتي گاع هادشي؟
سارة: كتعرفي ديك حليمة لي عندها الصالون فالحومة ؟ قنعتها تعطيها ليا اختي نحيدو الزغب ولينا كي القرودة.. نديرو واحد التخميلة لريوسنا فاعلة تاركة نحيدو هاد الزغب..
زمرد جابت ليا الضحكة: والله مكدبتي شحال محيدتو

اوا نقاو البنات حالتهم دوشو و قادو شعرهم و حتى الميكاب.. زمرد لبسات كسوة باللون الباج كتجي طويلة و ايفازي جاتها مع لاطاي ديالها هي هاديك و قادات شعرها خلاتو سامبل دارت ميكاب خفيف سامبل جاها زوين..

سارة تفاجآت: بشااااخ جيتي كتحمقي الله يحجبك من العين غطيحي لينا البشر هههه
زمرد بتاسمات ليها: خلاص حتى نتي راه جيتي فننننة!

سارة لبسات كسوة قصيرة حد الفخاض باللون الكحل كتجي لاصقة و نازلة على الكتاف و طلقات شعرها حتى هيا بحال زمرد و دارت ميكاب خفيف مبغاوش اكترو.. دارو اللمسات الاخيرة لقاو بلي باقي الحال.. و خرجو عند كنزة

كنزة: ماشاء الله عليكم جيتو غزالات تبارك لله و لله يجبكم من العين و الحسد ديال بنادم..
زمرد بابتسامة: شكرا!

فالفيلا

بالضبط فالبيت ديال منصف لي كان طاغي عليه اللون الاسود واقف قدام المراية ببذلة سوداء جاتو عباار مع قميجة فاللون الاسود و حذاء كذالك اسود مطلع شعرو الفوق  سالا هز العطر ديالو رشو و شاف نضرة اخيرة فالمراية ؛ هز تيليفونو وسوارت الطموبيل

خرج و هو يتلاقا بخوه امجد لي كان لا يقل وسامة عليه لابس سرول تجين فالكحل مع قاميجة بيضة خاشيها تحت من السروال و حال الصدايف اللولين و فيست بالأسود وشعرو مقاد  بجيل جاه زوين

امجد: اوهووووه خويا راك منور اليوم ( و غمزو )

منصف بتاسم ليه بلاما ينطق بتاشي حرف..

هابطين بجوج فالدروج كيلقاو الام ديالهم لي كانت انيقة و الاب ديالهوم لي لابس بذلة رسمية مشادين تيبانو كوبل زوين واخا كبرو فالعمر باقين تيبانو صغار و عاطيين للعين..

رانيا حتى هي  جات تيتزة وخا محاملاش تمشي مرة مرة تتفكر داكشي ليوقع ليها مع الياس؛ و مبغاتش تتلاقى مع معاذ لي حشمانة منو.. بسبب داكشي لي وقع..

خرجو كل واحد ركب فسيارتو متاجهين لمكان الحفل

عند زمرد و سارة

خرجو كيقلبو على طاكسي شي نص ساعة حتى طلع ليهم الدم عاد وقف ليهم واحد ركبو وتاجهو للحفلة...

الحفلة كانت فأحد اكبر الفنادق.. نظمو الحفل بشكل مثالي بحيث الصحافة غادي تهضر على الحفل و حتى المدعوين لي غير شكوون و شكون.. عاد بعض الكليات مصيفطين أفضل الطلاب لي تيقراو إدارة الاعمال و مكلفين باش يكتبو تقرير مفصل على الحفل..

منصف و عائلتو وصلو لقا معاذ كيتسناه سلم عليهم و عينيه على رانيا كيفاش جات فديك اللبسة زوينة، بقا منصف و امجد و معاذ كيدويو.. اما سي محمد تاجه لعند رجال اعمال بحالو ، رانيا و الياقوت جلسو فواحد الطابلة هازين كيسانهوم ديال العصير كيستمتعو بالأجواء...
#يتبع