حب نتيجة خطأ طبي

الجزء الثاني و الخمسون

حب نتيجة خطأ طبي
#بارت52♡♡

بقات كتزعزع فيها والو مفاقتش رشات لما على وجهها والو مقضاش فيها كتافات فقط أنها تغوت باعلى صوت عندها واش يسمعوها مالين دار

سارة: واش كااااين شي وااااحد هنا؟ فينكم ؟

كضرب فزمرد واش تفيق ليها حتى جات لالة الياقوت كتجري و تابعاها الخدامة من موراها مخلوعين خصوصا ملي شافو زمرد طايحة فالأرض حيت مقدراتش سارة على تقلها و طاحت جنب فين جالسين

لالة الياقوت بخوف: اويلي زمرد مالها اشنو واقع ليها
سارة مخلوعة: خاصنا نديوها دبا للسبيطار دغيااا
لالة الياقوت: اه اه، (عيطات على الخدامة) قولي لشيفور يجيب طموبيل لهنا بالزربة

مشات كتجري علمات شيفور لي معطلعومش دغيا جا و نقلوها لكلينيك دخلوها الغرفة باش يفحصوها و هما بقاو على برا التوتر لاعب على الاعصاب ديالهم.. لالة الياقوت لي هضرات مع سارة؛

لالة الياقوت: مالها؟ شنو وقع ليها؟ علاش سخفات؟
سارة بندم و خلعة و توتر: كلشي مني انا مكانش عليا نقوليها باباها مات بديك الطريقة...
لالة الياقوت تصدمات: واش باباها مات؟ كيفاش؟
سارة: غير بلاما تسوليني ا خالتي راه القصة طويلة و تنظن تسمعيها من عند زمرد حسن
لالة الياقوت: فهمت ا بنتي!   مسكين الله يرحمو ؛ ندعيو مع زمرد باش تولي بيخير ياربي
سارة: نشاء الله مغيوقع ليها والو

دازت شي 15 دقيقة

طبيب خرج لعندهم يطمنهم

الطبيب: نشاء الله ميكون باس عندها راه غير حيت واقيلا تعرضات لشي صدمة كبيرة الشي لي خلاها تفقد الوعي ديالها
سارة: وياك دبا هي بيخير ياك؟ ؟؟
طبيب: اه معندكم مناش تخافو، هاد العشية غتبقى عندنا هنا تحت المراقبة فالعشية تقدر تخرج نشاء الله

مشا الطبيب خلاهم مطمنين بعدا.. اما الياقوت صونات على منصف تخبرو اشنو واقع حيت نسات مقالتها ليه

عند منصف

لي جالس فوق البيرو قدامو معاذ كيهضرو على الخدمة حتى كيسمع منصف تيليفونو كيصوني.. هزو لقاها الام ديالو...

منصف: الو! الواليدة اش كاين؟ ؟؟
لالة الياقوت متوترة: احمم صونيت نقوليك بلي جبنا اليوم زمرد للكلينيك
منصف عقد غوباشتو: علاش مالها؟
لالة الياقوت بحزن: فقدات الوعي ديالها و جبناها
منصف: صيفطي ليا لوكال ديال الكلينيك...

قطع على ماماه ناض  دار تيليفونو فجيبو هز سوارت طموبيلتو و خرج مخلي معاذ مفاهم والو... شد طريق نيشان للكلينيك...

وصل لقا تما غير ماماه و سارة لي جالسين يتسناو فيه يجي منصف  دخل نيشان عندها الغرفة من بعدما سولهم فين جات الغرفة ديالها مهضر مع حتى واحد...

لقاها باقي مفاقت باقي المفعول ديال المهدئ لي داروه ليها فالسيروم شاد فيها.. جلس جنبها فوق الفطوي و حاط رجل رجل كيتساءل علاش فقدات وعيها و هو مخليها صحة سلام فالدار.. و فنفس الوقت تيراقبها و هي ناعسة 🥱
#يتبع....