حب نتيجة خطأ طبي

الجزء المئة و الثاني و الثمانون

حب نتيجة خطأ طبي
#بارت182♡♡

داز الوقت

قدام الشركة "العمراني" وقف منصف بطموبيلتو لي باركاها قدام بابا الشركة تم نازل منها كيتمشا منخوي ممسوق لحد... طلع فلأسانسور موقف غير قدام البيرو ديالو تلقات ليه السكرتيرة فالباب وقفاتو...

السكرتيترة: مسيو منصف عافاك..

منصف(مخنزر): شنو!..

السكرتيرة: خاصك توقع ضروري على هاد الوراق
(مدات ليه الملف والستيلو) .
منصف شدهم من عندها سينا عليهم بالزربة ودخل البيرو خلاها واقفة فالباب..
مشا جلس حل البيسي ديالو خدام على المشروع الجديد لي كيوجد ليه حتى تسمع الباب كديق فيه شي حد..

منصف: دخل..
تم داخل إياد معاه واحد الراجل لي ناوي ادخل بشراكة مع إياد..
مشاو جلسو قدامو وباشرو نيشان فالهضرة..
منصف: سعد كيفما قلت ليك هدا هو إياد..

سعد: اه تعرفت عليه حيت تلاقيتو فالباب..

منصف: اوكي تقدرو تسنيو العقد وتافقو..

إياد: اوكي بسم الله..
جبد داك الراجل الوراق من الحقيبة لي كان هاز فيديه حطهم قدام اياد وحط فوق منهم ستيلو...
إياد لي قراهم هي اللولة عاد وقع..
سعد: إياد مبروك علينا من اليوم ولينا شركاء..

إياد(مد ليه يديه): مبروك انشاء الله نكون عند حسن الظن ديالك..
تصافحو وباركو لبعضياتهم ومشا سعد مخلي إياد و منصف لي كيشرح ليه الهضرة ويوريه لي تيكنيك لي غيخدم عليها بحكم منصف كيفهم فهادشي ديال الشركات والمشاريع وغادي يعاونو حتى يكبر حتى هو الشركة ويوصل لداك شي لي بغا...

نمشيو لفرنسا بالضبط فباريس 🔥
فالحبس لي جالس امجد وقدامو المحامي ديالو كيهضر وهو معصب..

امجد: بغيت نخرج من هنااا اليوم قبل غذا واش مكتفهمش...

المحامي(الحوار بالفرنسية): مسيو امجد منقدرش داكشي لي عندي قلتو ليك خاص الانسة تسحب الشكوى ديالها حيت هادشي كيتعتابر عنف و ضد مرا من لفوق ماشي قضية ساهلة...

امجد: هي شنو دارت؟ واش مغاديش تسحب الشكوة ديالها... ؟

المحامي: على ما سمعت راه جمعيات واقفين معاها وحتى من خوك راه قلناها ليه..

امجد بصدمة: واش منصف؟؟

المحامي: اه اسيدي قلناها ليه وقال ليا نخليه هو غادي يتصرف...

ناض المحامي جمع الوراق ديالو وخرج مخلي امجد غياكل راسو بقوة الاعصاب لي ركبوه ندم علاش حط عليها يديه...

اما عند سارة لي كانت فالدار عند باباها ممشاتش اليوم لافاك بسباب داك المشكيل لي وقع ليها حلف عليها باباها متمشي حتى تشرح ليه شنو وقع وعلاش ضربها..

#يتبع...