حب نتيجة خطأ طبي

الجزء الواحد و الثلاثون

حب نتيجة خطأ طبي
#بارت31♡♡

منصف لي دور وجهو لجهة لابيسين بانو ليه جالسين و معاهم حتى ديك سيلفيا مكتارتش ليهم دخل للدار هاز راسو للسما كيتمشى بكل نخوة.. اتاجه للمكتب عند الاب ديالو باغيه بخصوص شي حاجة ديال الخدمة..

أما النساء
باقين فالجردة لي كيهضرو بخصوص اشنو غيلبسو في الحفل لي مبقى ليه والو خاصهم يختارو بعناية حيت غادي تكون الصحافة حاضرة.. و صورتهم غادي تكون فالصحف لي غيغطيوه الحفل..

سيلفيا: رانيا ونتي قررتي اش غتلبسي
راينا: وي شفت شنو غنلبس ؛ ناري متحمسة نعرف شكون غياخد جائزة افضل رجل اعمال للسنة
لالة الياقوت: باينة ولدي لي غياخدها انا كنتيق فيه وفالقدرات ديالو
سيلفيا: ههه عنداك غير ميجيش.. راه آخر مرة بابا لي كان خداها!
رانيا: منيتك ا سيلفيا باينة غيجي..

بقاو هكاك كيتناقشو ويدويو حتى تعاشات العشية

عند زمرد

رجعات من عند الطبيب بعدما حيدات الجبس و عطاوها خمسة ديال الحصص ديال الترويض جوج حسات فالسيمانة غتبدا معاهم غدا..

داز الوقت

جالسة فواحد الجليسة فالبالكون ديال غرفتها وقدامها الكتوبة ديالها كتراجع داكشي لي فاتها و تفكر فهضرة ديال سارة
"واش مناوياش ترجعي للدار عند ماماك راه توحشاتك؟"

زمرد لي حتى هيا توحشات ماماها ولكن كتفكر بلي مدافعاتش عليها ولا حاولات تمنع سي براهيم من انه يجري عليها.. بقات مضاربة مع الافكار ديالها محيلتها للتمارين لي ممركزاش فيهم محيلتها لأفكارها تخربقات بمعنى الكلمة؛ حطات داكشي من يديها كتحاول تكالما ملي تفكرات هضرت باها لي جرحاتها.. و فاش جرى عليها باها ظلمها و مرحمهاش ولا فكر يسمع ليها ثاق فالتحاليل و هضرت الناس على بنتو لي مربيها على يديه..

زمرد تنهدات بالجهد: صافي ا زمرد خوي راسك و ركزي اوووف

و بدات عوتاني كتراجع حتى طاح الضلام.. كانت الساعة كتشير ل 8 ديال الليل..  دخلات جمعات داكشي لي راجعات فيه و خرجات اتاجهات الكوزينة عند كنزة لقاتها كطيب العشا وعاوناتها حتى سالاو

تعشاو وكل واحد تاجه ل فين ينعس

أصبحنا وأصبح الملك لله ☉💥

نهار جديد بأحداث جديدة لي غنتعرفو عليها...

زمرد فاقت مع 7 ديال الصباح دخلات دوشات و طرفات حالتها لبسات عليها حوايجها و هزات صاكها خارجة كتسنى فالطوبيس
دخلات للافاك.. لقات سارة كتسناها غير لمحاتها مشات عندها تجري عنقاتها

سارة:صباحو كيف صبحتي صافا ؟
زمرد: بيخير ؛ زيدي ندخلو راه غنتعطلو

دخلو قراو السوايع لي عندهوم سالاو و خرجو بحكم كانو قاريين و غيرجعو مع 2

زمرد و سارة لي خارجين شادين فبعضياتهوم كيتحدثو سارة قنعات زمرد تمشي الحفلة و قالت ليها بلي ضاربة حساب لكلشي ، الحوايج ، ميكاب... الخ

زمرد: سربي أ سارة! راه عندي حصة ديال الترويض

خرجو البنات حتى سمعات زمرد سميتها وقفات مشوكية معرفات مدير...

لالة فاطمة عينيها عامرين بالدموع: زمرد بنتي

#يتبع...