حب نتيجة خطأ طبي

الجزء الثالث و التسعون

حب نتيجة خطأ طبي
#بارت93♡♡

البنات كاملين شافو فيها و قالو : شنو؟؟
زمرد: انا فرحانة بزاف حيت غندير عرس كيفما كنت باغاه انا كنت باغة ندير ليلتي حتى انا و نعرض على صحاباتي و نفرحو و نشطو بغيت عرسي يكون زوين و نلبس فيه الكسوة البيضة و الحمد الله هادشي بدا كيتحقق...

البنات لي بتاسمو ليها..

سارة: مزال غتعيشي يام زوينة كتر من هكا ا ختي..
رانيا: مزال اليام قدامك ا زمرد تعيشي و تكوني فرحانة حياتك كاملة... زمرد لي غير كتبتاسم محسات غير بالبنات طاحو عليها كل وحدة جنب كتعنق فيها...

زمرد: اويلي طلقووو طلقوني خسرتو ليا شعري
رانيا: ويلي ويلي نسيت غنخرسو ليها الميكاب...
سارة: و نوضي لبسي عليك (بطنز) ياك مكتسناينا نلبسوك لقيتي فيها راحتك..
زمرد: امم اوا خرجو خليوني نبدل...
رانيا: واخا يالاه ا سارة حتى حنا خاصنا نلبسو دبا طلع لينا الياقوت ههه

داكشي لي دارو خرجو البنات خلاو زمرد بوحدها بقات جالسة شحال كتخمم فهادشي لي كتعيش دبا عاد ناضت كتشوف فداك القفطان هزاتو لبساتو... جاها واعر مع فورمتها لي عاد مزادت برزاتها بديك الصمطة لي دارت ليها و الميكاب و الشعر جاها غزال بمعني الكلمة بقات كتشوف راسها شحال فالمرايا و تبتاسم حتى تحل الباب ا سحاب ليها البنات لي جاو.

دورات عينيها كان منصف لي طلع لبيتو باش يبقا فيه حيت التحت عامر غير بالبنات بقا كيشوف فيها و فداك القفطان لي واتاها و التزنيكة لي على حنيكاتها بقا ساهي فهاد كتلة الانوثة لي قدامو...
اما زمرد حشمات من دوك الشوفات لي كيدير فيها...

هضرات بصوت انثوي رقيق..

زمرد: احم فاش كتشوف..

منصف باقي كيشوف فيها كيدير فيها شي شوفات كيدوبو: كنشوف اولا ممنوع عليا..

زمرد لي حشمات اش غتقول ليه واش تقول ليه متبقاش تشوف فيا شافت حتى عيات جلسات على طرف ناموسية هبطات هزات صندالتها كتلبس فيها المهيم هو انها تلف عينيها وصافي...

منصف لي فهم بلي حشمات حتى هو مبغاش اكتر عليها مشا جلس هز بيسي خدام عين فبيسي و عين فيها هي.. زمرد لبسات صندالتها لي كانت ديال طالون.. و وقفات كتشوف فالمرايا و دور و تبتاسم عجبها راسها... مقاطعها غير صوت رانيا و سارة لي داخلين مدرمين معرفوش بلي منصف تما...

سارة: زمرد واش ساليتي... هاي هاي يا ختي جيتي كتحمقي..
رانيا: جيتي كتفتني تبارك الله عليك خاص غير خويا يشوفك مسكين مغيعرف باش تبلا..

اما زمرد ضاربة الطم و دير ليهم بعينيها شوفو موراكم و تقول واش فهموها تزنكات كتر ما هي مزنكة ولات مطيشة...

اجزاءنا ديال اليوم هما هادو البنات كيفما واعدتكم حطيت ليكم بالزايد نتمنى نلقا التفاعل و تعليقاتكم زوينة و الاشهارات لي كيفرحوني ❤❤👑

تصبحون على واقع اجمل🍻❤