حب نتيجة خطأ طبي

الجزء الستون

حب نتيجة خطأ طبي
#بارت60♡♡

العشا وجد... تجمع على طاولة العشاء كل من ... سي محمد مترأس الطاولة ومنصف مترأسها من الجهة لاخر وحداه زمرد حداها فاطمة مقابلا معاهم رانيا ولالة الياقوت...
من غير امجد لي غبر مبقاش بان قالو بلي غيكون فشي سهرة مع صحابو...

بداو الاكل والصمت هو سيد المكان من غير صوت الفراشط لي كيتسمع....
تعشاو فجو هادء..سالاو عشاهم وكل واحد فين مشا فاطمة لي مشات دخلات لبيتها وزمرد كذلك... من غير رانيا لي مسورتة عليها الباب حيت داك إلياس كيصوني ليها...

رانيا(بعصبية وكتهضر بشوية):اشنووو باغي لاش مصوني ليا اممم..
إلياس:بغيت فلوسي من هنا يوماين
رانيا:فلوسك نهار يوجدو نقولها ليك غير بعد مني الله ياخد فيك الحق....

قطعات عليه فوجهو وهي تجلس فطرف ناموسية كتفكر فهاد الحريرة كيفاش غتلقا ليها حل...

أصبحنا وأصبح الملك لله...صبح صباح جديد بأحداث جديدة💗💗

عند بطلتنا لي يالاه بدات كتفيق ومخسرة ملامحها بسباب الشميسة لي ضاربة فوجهها...ناضت دارت بانطوفتها فرجليها وتوجهات الدوش....
دارت روتينها الصباحي وطرفات حالتها لبسات حوايجها لي كانو عبارة على كيطمة فاللون الأزرق غامق...

نزلات لتحت لقاتهم مجموعين على طاولة الفطور غير لالة الياقوت و رانيا و فاطمة اما منصف وسي محمد مشاو الشركة فالصباح...
جلسات زمرد منبعدما قالت ليهم صباح الخير وبدات تفطر وهي ساكتة...حتى سالاو ماكلتهم مشاو الصالون جلسو حتى كتهضر لالة الياقوت

لالة الياقوت: زمرد كيفما عارفة انا باغة ندير ليكم عرس نفرح بيكم...
زمرد:اه قلتيها لينا...
لالة الياقوت:اه ولكن مؤخرا داكشي لي وقع ليك خلانا نتسناو الامر ولكن باقة عند الفكرة ديالي نشاء الله العرس غيدار فهاد الاسبوع..

زمرد:اه صافي لي بغيتي..

اما فاطمة لي غير كتشوف كدور فيعينها. مفهمات والو
كفاش واش هادو ممزوجينش اولا شنو؟؟

فاطمة: ولكن كفاش واش نتوما باقي متزوجتو أولا اشنو مفهمتش؟
زمرد:لا اماما مزوجين ولكن مدرناش عرس فهمتي
لالة الياقوت:اه هما تزوجو ولاكن دارو غير العقد بلا عرس.
فاطمة: اه هههه باقي مكتاب ليا نحضر ل عرس بنتي؛ملي شفت الخبر فالجردة قلت بلي تزوجات بلا بيا..

زمرد مشات حدا ماماها تكات راسها على كتافها معنقاها...
زمرد:لا اماما علاش انا نقدر ندير عرسي بلا بيك نتي هي الكل فالكل..
عنقاتها فاطمة لعندها وبقاو ساكتين

#يتبع...