حب نتيجة خطأ طبي

الجزء الثامن

ممرض لي فالاستقبال: معاك ممرض من مختبر التحاليل لي كنتي جيتي عندنا شي سيمانة هادي على قبل تحاليل ديال بنتك

سي براهيم عقد غوباشتو: اه كاين شي مشكيل

الممرض كيدوي وهو كيتصنت ليه شويا ظهرو ملامح الصدمة على وجهو ممتيقش اشنو كيسمع

سي براهيم بصدمة وعصبية: اشنووو اش هادشي كتقول نتا ااش هاد الهضرة..

ممرض بإحراج :كيفما سمعتي اسيدي داك نهار تغالطو لينا نتائج التحاليل هادوك لي عطيناكوم ديال واحد السيدة مزوجة صراحة معرفتش كفاش حتى وقع هادشي.. الا بغيتي التحاليل ديال بنتك

سي براهيم قطع ليه فوجهو قبل ميكمل هضرتو..

سي براهيم حيت برد ليه الما فالركابي عينيه تغرغرو تفكر فاش ضربها وجرا عليها وشك فشرفها وتفكر حتى دوك نضرات ليه دارت فيه نضرات ديال انكسار وتفكر هضرتها فاش قالت ليه غتندم ابابا عمري نسمح ليك..

فاطمة كدوي معاه مكيجاوبهاش ساهي كيفكر فالمصيبة لي دار جاها الفضول تعرف

فاطمة بفضول: واا سي براهيم مالك دوي شكون صونا عليك
براهيم كيدوي وباقي تحت تأتير الصدمة: ص صصوناو ليا من مختبر التحاليل لي دينا ليه زمرد وقالو ليا بلي غلطو ف نتائج التحاليل وبلي هيا ممريضاش بهداك المرض

فاطمة لي غير سمعات الهضرة ديالو تصدمات وتعصبات حيت شحال من مرة قالت ليه بلي هيا مدارت والو و متيقهاش

فاطمة بعصبية: شفتي دبا شفتي فعايلك فين وصلونا شحال من مرة قلت ليك بلي مدارت والو ومتيقتيش نتا راك شكيتي فبنتك وجريتي عليها من الدار لحتيها لزنقة وخا نتا عارف بلي زنقة عامرة دياب...
براهيم كيحس بتأنيب الضمير: بارااكا متزيديش عليا حتى نتي لي فيا كافيني ( حط يديه بجوج على راسو) الله ياربي شنو درت انا

فاطمة: نووض نووض دبا خلينا نقلبو عليها يالاه بغيت بنتي ترجع ليا
براهيم: الله يهديك حتى لغدا الليل هادا فين غنلقاوها
فاطمة بعصبية: اشمن ليل نوض مكيهمنيش خلينا نمشيو الكوميسارية نشوفو على الله يعاونونا

ناض سي براهيم وفاطمة لي مشات لاحت عليها جلابيتها و خارجو شادين طريق الكوميسارية

وصلو مشاو عند هاداك لي كيكون فالباب سولوه فين مكتب التحقيق نعت ليهوم و اتاجهو ليه

دخلو...

سي براهيم: السلام شاف
شاف: سلام
فاطمة بلهفة: حنا اسيدي جينا كنقلبو على بنتنا خرجات من الدار اسبوع هادا مسمعنا عليها شي خبار

الكوميسير: اممم وشنو كان سباب حتى خرجات من الدار؟ و علاش حتال دبا عاد تتقلبو عليها؟؟
سي براهيم لي باقي تيأنبو ضميرو: غيربسباب شي مشاكيل عائلية لله يجازيك بخير بلاما تسول
الكوميسير: شحال فعمرها؟؟
سي براهيم: 22 عام اسيدي
الكوميسير: شنو الاسم ديالها و واش كانت هازا معاها لاكارط ناسيونال ديالها ولا لا.. راه بنتكم راشد تقدر تكون مع صحاباتها ملي تبرد غترجع للدار

فاطمة خنزرات فيه: سميتها اسيدي زمرد البناني، لا مهزات معاها حتى حاجة و بنتي معندهتش صحابات ولا فين تمشي.. بنتي متتخرجش من الدار
الكوميسير: و ها هي داباخرجات من الدار و سيمانة هادي لمهم عندكم شي تصويرية ديالها؟ وصفو لينا شنو كانت لابسة

بقاو كيوصفو ليه وعطاوه تصويرتها لي كانت فالصاك عند فاطمة و كل شوية لكوميسير تيعاتبهم على شي حاجة سي براهيم معاجبوش الحال عاد ولى تيفكر فين تكون مشات و واش واكلة ولا شاربة خصوصا و هو عارف بلي بنتو مكايناش عند سارة حيت سارة هي صاحبتها الوحيدة.. و معندهاش شي حد آخر تمشي لعندو و فاش جرى عليها خرجات من الدار طويلة بلا فلوس بلا والو.. فين غتكون مشات؟ يكما قتلها شي حد واش عايشة ولا ميتة گاع هاد الافكار عمرو ليه راسو و ندم ندم شديد تيقول غير كون غير فعاود متيتاكد من الاطباء يمشي يعاود ليها التحاليل حسن.. لكن فهداك الوقت هاد الحل گاعما طاح عليه بمرة.. أما فاطمة داخلها تياكلها حيت سمحات ليه يجري عليها و هي عارفة بلي بنتها مستحيل دير هادشي مكلفات راسها تخرج معاها ولا حتى تبزز عليه يقلب حسات بلي حتى هي عندها يد فهادشي لي وقع لزمرد..

فاطمة بترجي: عافاكوم ديرو لي فجهدكم بغيت بنتي ترجع ليا الله يرحم ليكوم الواليدين

الكوميسير مخنزر فيهم: كوني هانية الالة حنا غنديرو لي فجهدنا

غير رجعو للدار عاد حسو بجوج بتأنيب الضمير خصوصا فاطمة لي لامت راسها بقات غير تتفرج و قلبات غير شوية على بنتها بمساعدة سارة و صافي.. علاش لي موقفات راجلها علاش لي مقالتش ليه "الا خرجات بنتي حتى أنا غنخرج" علاش لي بقات غير تتفرج فيه فاش خرجها من الدار.. فاطمة بقات تتبكي و تتشهق حسات بلي ملعباتش دور الام كيما خاصو يكون بلي قصرات فحق بنتها و بزاااف و بنتها الوحيدة.. هاد الليلة كانت بالنسبة ليهم اسوء بزااف من ليلة لي جرى فيها سي براهيم على بنتو.. بقاو غير جالسين فالصالة و كل واخد غارق فأفكارو و نعاس حلف لا زارهوم ...

#شنو بان ليكم؟ واش فعلا فاطمة تاهي مذنبة؟ و سي براهيم؟ واش غيلقاو بنتهم؟