حب نتيجة خطأ طبي

الجزء المئة و السادس و التسعون

حب نتيجة خطأ طبي
#بارت196♡♡

سارة: انا خرجت حيت هئئئ حيت بغيت نرجع فحالي نتا لي حبستيني عندك هئئىى

امجد: زيدي للدار زيدي ديك ساعة نتفاهمو...

يالاه بغاو اتحركو عاد رد ليها امجد البال بلي كاملة كترعد.. حيد داك المونطو لي كان لابس لاحو فوق منها وحاوطها بيديه عندو كيتمشاو راجعين من نفس الطريق.. اما داك الصياد بقا كيشوف فيهم كيتغاوتو حداه وهو يمشي ويخليهم قال راه كيعرفها...

داز الوقت
وتنصنص الليل.. امجد وسارة يالاه وصلو للدار..

دخلو الداخل امجد طالع ليه الدم لاح سبرديلتو لي فزكات هز واحد الفوطة كانت مليوحة تما دوزها على شعرو لي كيقطر ودار شاف فسارة...

امجد: شوفي نتي هنا فين غتجلسي حتى نمشي نبدل عليا هاد الحالة.. (وهز صبعو بتحدير) وياك يقول ليك راسك تمشي ديري شي كارثة خرا ولا تعاودي تخرجي...

قال هضرتو وأكد عليها سارة اكتافات فقط تحرك راسها بايجاب.. طلع امجد لفوق وسارة بقات جالسة هكاك بحالتها وشعرها سارد فمها ولا زرق كاملة كترعد بالبرد بان ليها تيليفونها محطوط فوق الفوطوي زعمات وهزاتو خدماتو لقات فيه فالشارج 5% وشحال من ابيل من عند باباها..

تنهدات بالجهد وعاودات صونات ليه عرفاتو غيكون مشوش.. صونات المرة اللولة مجاوبهاش وعاودات التانية عاد جاوب..

سارة(بصوت عيان): االو بابا!

سعيد(بنرفزة): ساارة فين كنتي من البارح و أنا كنعيط !!! وعلاش ممشيتيش للافاك سولت صحاباتك وقالو ليا مجيتيش..

سارة(غمضات عينيها عاضة على شفايفها): احم بابا انا دبا كاينة عند واحد البنت صاحبتي ماماها مريضة بزاف وقالت ليا باش نبقا معاها غذا غنرجع كنواعدك...

سعيد: شكون هاد صاحبتك؟ ومعامن تشاورتي..؟

سارة: راه صونيت ليك  نقولها ليك مجاوبتينيش.. متخافش راه غذا غنجي وهاد البنت راه كنعرفها من شحال هدا..

سعيد بحدة: اخر مرة تعاوديها ولا تمشي لشي بلاصة بلا خباري هاني علمتك.. ومال صوتك عيان ياكما مريضة؟؟

سارة: غير ضاربني البرد شويا وصافي... واش نتا باقي منعستي مشا الحال بزاف؟؟

سعيد: باقي خدام هاد الأيام عندي الخدمة كتيرة.. يالاه ابنتي تصبحي على خير غذا نشوفك واخا..

سارة: انشاء الله تصبح على خير...

قطعات عليه الخط ورمات تيليفون فيها الموت ديال البرد صوتها عيان والعطسة شاداها...

سارة: اففف اش هادشي ياربي غير منمرضش عوتاني!!

عند امجد لي لبس عليه قبية سخونة وتقاشر فرجليه سروال كيطمة عاد هبط عندها لقاها كيفما خلاها فبلاصتها مكمشة.. مشا قرب جيهتها هز واحد الكرسي وجلس مقابل معاها وكيشوف فيها وعينيها لي دابلين وفمها لي كيتحرك غير بوحدو.. قرب يديه جيهة جبهتها يقيس ياكما طالعة ليها السخانة.. وفعلا داكشي لي وقع حرارتها مرتافعة بزااف من كترة البرد و الشتا لي طاحت عليها بالسيف متمرض..

امجد(كارز على سنانو): هادشي لي بقا غير تمرضي.. اش داني حتى انا نجيبك لعندي؟؟ افف..

قرب عندها كيحاول ينوضها يطلعها لفوق يشوف شنو يدير ليها...

امجد: سارة وقفي نعاونك طلعي الفوق يالاه..

هز يديها حطها على عنقو ونوضها بشويا عليها كيتمشاو للبيت...

امجد: بففف على حالة غير حوايجك كي ولاو بالسيف متمرضي...

#يتبع...