حب نتيجة خطأ طبي

الجزء المئة و الواحد و السبعون

حب نتيجة خطأ طبي
#بارت171♡♡

بعد أسبوع

ليوم حفل زفاف رانيا و معاذ.. رانيا متحمسة بزااف و خايفة حيت ليوم الدخلة ديالها هاكا تافقات مع معاذ يخليو اادخلة حتال نهار العرس.. العلاقة بين زمرد و منصف تبدلات زمرد لي تيعجبها فالعلاقة هما القبل لي تيعطيها منصف حتى تدوخ..

منصف كان فالمكتب ديالو ملي دخلات سيكريتيرا لعندو يلاه ناوي يخرج..

سيكريتيرا تتعوج عليه لابسة داكشي مزير و نص فصدرها باين..

سيكريتيرا: موسيو العمراني! واحد راجل تيتسناك براا!
منصف: شكون؟
سيكريتيرا: مبغاش يقول الاسم ديالو قال ليا بلي هو محقق
منصف: دخليه!

سيكريتيرا خرجات و دخل المحقق لابس كلاص تقول رجل أعمال غير شافو منصف بتاسم.. و المحقق قرب لعندو و سلم عليه باليد..

منصف دار ليه اشارة باش يجلس و جلسو بجوج فلفوطويات..

المحقق: بغيت نجي بنفسي باش نعاود ليك حسن من تيليفون
منصف: شنو واقع؟ واش لقيتيه؟

المحقق حرك راسو بآه..

منصف زير على يديه: فين؟
المحقق: عرفت بلاصتو و مزال حاط الناس لي مراقبينو.. و لي عرفت بلي غادي يحضر للعرس ليوم حيت ساق لخبار بلي ولدو غيتزوج..
منصف: مزيان!
المحقق: شنو غادي دير؟
منصف: ماشي انا لي غادي ندير!
المحقق ناض من بلاصتو: مهم! نخليك دابا.. انا عادي نعلمك بالجديد..
منصف تاهو ناض و سلم عليه و خرج و خلاه

داز الوقت

زمرد كانت مع رانيا لي عاد جات و تتوجد للعرس ديالها و متحمسة بزااف.. رانيا شدات فيد زمرد.. كانو جالسين..

رانيا: زمرد! انا ليوم عندي الدخلة.. و متوثرة بزااف و فنفس الوقت خايفة..
زمرد غير تتشوف فيها معرفاتش باش تجاوبها..
رانيا: زمرد مالك سهيتي؟
زمرد: والو! يعني معندك مناش تخافي.. ياك تتبغيه و حتى هو.. بلاما تفكري بزااف! داكشي لي تتحسي بيه ديريه و صافي
رانيا بدات تتضحك: هههه! داكشي لي تنحس بيه؟ واخا ا لالة عاودي ليا كيفاش كانت اول مرة ليك مع منصف؟
زمرد توثرات: منضنش بلي تبغي تعرفي شي حاجة !! راه خوك علامن تنهضرو..
رانيا: واخا! و لكن الالة غير الا وقعات ليا شي خاجة ليوم ذنوبك على راسك..
زمرد: كلشي غيدوز مزيان معندك مناش تخافي..

نمشيو عند منصف
لي تلاقا مع معاذ فالقهوة و عاود ليه لي كاين..

منصف: معاذ! شنو غادي دير؟
معاذ شاف فيه و هو مزير على يديه: و نتا شنو غادي دير؟
منصف ببرود: نتا لي غلدي دير انا لا حيت باك متنساش هادشي ..
معاذ: متخافش مناسيش شنو دار و عمرني مغادي نسى!!

#يتبع