حب نتيجة خطأ طبي

الجزء المئة و الأربعون

حب نتيجة خطأ طبي
#بارت140♡♡

زمرد مدات يديها و جرات لغطا على وجه مها و تصدمات ملي لقات وجهها محروق.. قلبها تزير و حسات بالدوخة جلسات على ركابيها شادا يدين ماماها عندها... منصف هبط لمستواها و شدها من كتافها بزز وقفها..

زمرد:هئئ ماما هىىئئ ماما الحبيبة علاش مشيتي هئىئ علاش خليتيني هئئىئ علاش خليتيني اماما علاش مشيتي من دبا باقي الوقت بزاف اماما هئئئئ...

منصف رجع الغطا على جسد فاطمة خلى زمرد شادة فيديها و مبغاتش تخرج ليه من تما.. معوفش شنو يدير معاها حالتها كانت تتبكي العدو.. و تتقطع فالقلب خرج من الغرفة و بانت ليه كنزة دار ليها اشارة و شافتو هي و سارة و حل ليهم الباب و دخلو عندها

سارة وكنزة لي بقات فيهم حالت زمرد وكفاش كتبكي بحرقة...

سارة: زمرد! عفاك مديريش فراسك هاكا راه جبناها غير على قبلك خاصنا ندفنوها.. و عائلتك تاهما يشوفوها
زمرد تترعد بالبكا: لا تاشي حد مغادي يشوفها!! ولا يقرب ليها..
كنزة: الاه يرضي عليك أ بنتي راه العصر خاص تدفن!
زمرد كتحرك راسها يمين شمال: لا لا ماما هئئىئ منقدرش اماما هئئئى منقدرش اماما على فراقك هئئ غنتوحشك بزاف اماما هئئئى غنتووووحشك هئئىئ فيقي اماما فيقي فيقي متموتيش الله يخليك عافاااك فيقي اماما هئئىئ ماماااا انا منقدرش...

كنزة تحنات عندها كتحاول تنوضها: نوضي ابنتي مديريش فراسك هكا نوضي البكا مور الميت خسارة..
زمرد بعصبية: بعدو مني نتوما محاسينش بيا هئئىئ محاسينش بالعافية لي فقلبي هئئئ..
سارة تتبكي: زمرد هئ هئ نوضي اختي راه هكا كتعدبي غير ماماك هئ هئ عافاك نوضي..

بقاو معاها تما حتى نوضوها سارة شادها من جهة و كنزة من الجهة لاخرا..
زمرد لي عينيها مفيكسين غير على ماماها تحنات عندها طبعات بوسة طويلة على جبهتها ونطقات بين لسانها "بسلامة ماما" الكلمة لي مقدراتش تخرجها غير بزز..

خروجها على برا ساهية كتمشى وتجر رجليها كون ماشي البنات لي شادينها كون طاحت...
عند منصف لي متكي على الحيط حتى كتبان ليه زمرد جاية من حالتها باينة بلي كانت كتبكي.. تقدم عندها بخطوات تابتين وعينيه مفيكسين عليها حتى وصل عندها..

منصف: زمرد نتي صافا؟؟

زمرد لي غير سمعات كلمة واش نتي بيخير بحال إلى عطيتيها الضو الخضر طلقات منهم و مشات تلاحت على منصف معنقاه كتبكي وتشهق هي محتاجة لي يواسيها ويوقف معاها ويقول ليها انا معاك...
اما منصف لي حاوطها بيديه كيطبطب عليها غير هو هاد المرة مقالش ليها سكتي ولا تهدني بالعكس خلاها تبكي وتخوي مافقلبها...

بقات دقائق وهي كتبكي حتى تفشات وهي تبعد عليه...

#يتبع