حب نتيجة خطأ طبي

الجزء المئة و الثاني و السبعون

حب نتيجة خطأ طبي
#بارت172♡♡

نرجعو القاعة فين كاين العرس التوجيدات على قدم وساق كلشي كيجري باش الحق الوقت كلشي كيوجد للعرس... قاعة لي كانت كبيرة تهز أمة لا اله الا الله كلها مزوقة بديكور كلاااص وعصري بإمتياز الطبالي لي مفرشين باغطية ديالهم وكتوسطهم مزهرية فيها ورود عاطية منضر جذاب زيادة على بلاصة العرسان لي باللون الابيض طالعة حتى الفوق كيبانو فيها العقيق باللوم البيض كيبري... خلاصة القول كلشي مقاد على أحسن وجه... اما على برا ديالها لي كانت مفرشة زربية باللون الحمر كتدي من الباب حتى الداخل ديال القاعة كتحس براسك داخل لشي قصر...

فواحد البيت كبييير قدو قداش طاغي عليه اللون البيض والرمادي كانت رانيا جالسة مقابلة مع المرايا و النكافات حتى هما فالبيت كيوجدو ليها شنو اللبسة لي غادي تبدا بيها البنات لي غادي يديرو ليها الميكاب والكوافور ديال الشعر كلشي مجموع فداك البيت داكشي علاش ختاروه هو بالضبط حيت كبير زيادة حتى الحوايج ديال العروسة لي معلقين فالبيت واللبسة لي غادي تحتاج زمرد حتى هي معلقة باش متخسرش...

عند زمرد لي جالسة فوق الناموسية مربعة رجليها و مقابلة التيليفون معاها كتهضر مع سارة...

زمرد(كتغبن): توحشتك بزاف اسارة خليتي بلاصتك كبيرة..

سارة: تانا توحشتك بزاف توحشت ماما وخا كنهضرو غير فالتيليفون ولكن معندي مندير كان خاصني نجي لفرنسا ونأمن مستقبلي حتى انا وباقي غادي نرجع...

زمرد: اه احبيبة قرايتك هي اللولة الله يوفقك...

سارة: وشنو درتي نتي واش باقي كتمشي للافاك؟

زمرد: باقي ولكن غادي نرجع حيت ميمكنش ليا نبقا جالسة...

سارة: نشاء الله... يالاه نخليك دبا توجدي راسك منبعد ونعيط ليك قولي لرانيا مبروك الله يكمل عليها بالخير...

قطعات زمرد على سارة منبعد ما دواو حيت شحال هدا مهضرات معاها.. ناضت مشات جيهة رانيا لقاتها يالاه كتقاد فالشعر والبنت لاخرا كتقاد ليها الضفار..
مشات زمرد جلسات فوق واحد الكرسي تما وجات عندها باش تصاوب ليها حتى هي حيت كانت كتسناها تكمل ابيل ديالها باش تقاد ليها...

داز الوقت وهاهما البنات واجدين فأحسن حلة كيبانو...

رانيا لي طايح عليها السر ديال العريسات، لابسة تكشيطة فالبيض فيها أحجار بالذهبي وتاج فوق راسها موالم لاكوب لي دارو ليها.. و طالون لي كيبان من الفتحة ديال التكشيطة مزين رجيلاتها لي دايز فيهم خلخال ديال الحنا عاد معاطيها أناقة كثر زيادة علي يديها حتى هما فيهم صبيع خفيف ديال الحنا مع خاتم ديال خطوبتها كيتبان فأبها حلة مشاء الله...

واقفة قدام المرايا كتعبر راسها بعينيها وعلى شفتيها باينة ابتسامة عريضة مخلية سنيناتها لي مستفين يبانو...

لابسة تكشيطة فاللون الغوز بيبي كاملة منبتة بالعقيق مع شعرها لي جامعاه كوب شوفال انيقة طالقة شي زغيبات طايحين والعقد لي لابساه مزين عنقها لي كيفتن بالبيوضة وفإيديها خاتم ديال زواجها عاد ما مخلي ديك الحنينة لي فإيديها تبان كتر...
زمرد لي كتشوف فراسها ودور عجبها راسها والميكاب لي دارت زعمات عليه شويا غمقاتو... ولكن جاها غزال عاد مبرز ليها ملامح وجهها ركزات على عينيها لي جبداتهم بأيلاينر وشفارها لي اصلا طوال ومع طلعاتهم بماسكارا عاد مزادو بانو كتر...

تسمع صوت الباب لي تحل تمات داخلة ليك لالة الياقوت بقفطان توبو حرير منبت بالعقيق مع سرتلة ديال الذهب كتشالي بيها وكيف العادة زيف على راسها كتبان زوينة وانيقة فنفس الوقت...
شافت فيهم مطولا شحال عينيها غرغرو والضحكة عاد مزادت وضاحت..

الياقوت: تبااارك الله عليكم ابنياتي جيتو كتحمقو الله يحفضكم من العين...

رانيا:ماما شاداني الرعدة والستريس.

زمرد والياقوت لي ضحكو عليها وعلى حالتها بحال إلى غدوز الحرب ماشي العرس...

#يتبع...