حب نتيجة خطأ طبي

الجزء الثاني و ثمانون

حب نتيجة خطأ طبي
#بارت82♡♡

منصف: الواليدة ديك الهضرة لي قلتي مكتقالش.. و نزيدك انا زمرد تزوجتها حيت كنبغيها ماشي على شي حاجة خرا...

مشا خرج لخدمتو مخلي موراه الياقوت غير كتبحلق فعينيها: كفاش واش هو كان كيعرف زمرد من قبل؟

دارت شافت ففاطمة: فاطمة! واش بنتك كانت عندها علاقة مع منصف؟
فاطمة: لا منضنش محال واش كانت شي حاجة بيناتهم...

نقزات رانيا: ماما..خالتي نعلو شيطان ياك دبا مزوجين اش بغيتوهم مزال!!...

لالة الياقوت تنهدات: اه بصح عندك الحق.. بيناتهم.

رجعات جلسات بلاصتها و حاطة رجل على رجل و هي يبان ليها امجد داخل..

لالة الياقوت بطنز: اهلا اهلا شكون جا منين دفنوه مزاروه... افين كنتي غابر؟
امجد: الواليدة صافا عليك؟
لالة الياقوت تتفشش: اممم بحال الا كيهمك زعما

امجد شاف فاطمة معرفهاش:الواليدة هي عندنا ضياف...
رانيا:أولا هادي ماشي ضيفة هادي مامات زمرد..
شاف فيها امجد وهو يميق فيها: مسولتكش نتي...
رجع شاف فاطمة: مرحبا بيك عندنا...

و مشا طلع لبيتو اصلا هاد اليامات مبقاش كيعمر معاهم بزاف كيجي يبدل حوايجو و لا ياخد شي حاجة الا خصاتو و يعاود يغبر هادي هي حالتو... ملي عرف بلي زمرد مرات خوه

عند زمرد

لي مسرحة ليك فوق الناموسية ضاربة الدنيا بركلة و جالسة مجمعة مع سارة هضرتهم مكتقاداش تقول معرت اش كيصنعو...

سارة: كون تشوفي يا ختي اش درت ليها ريشتها مزيان اصلا تستاهل هي لي قلبات عليا...
زمرد كضحك: ههه ههه اربي اش قالت ليك..
سارة: جات كتعوج عليا قالت ليك راه سرقت ليك الكراش و بلي هو اصلا مكانش مسوق ليا و بلي حيت هي حسن مني شاف فيها...نننننن(كتعيب فيها)
زمرد(ميتة بالضحك): ناري سارة قتلتيني بالضحك و لكن بيني و بينك تستاهل.. وخا معنديش مع العنف
سارة كتكركر: زمرد ههههه فراسك معرفتهاش اصلا إينا كراش داوية عليه من بين الكراشات....
زمرد: نتي لي مخلطاها جات معاك.... مهيم خلينا من هادشي راكي معروضة العرس..
سارة: اينا عرس هادا عوتاني...
زمرد تتضحك: وعرسي إينا عرس زعما..!
سارة بعدم فهم: كفاش عرسك؟ علاش نتي متزوجتيش؟!
زمرد: وراه مزوجة غير درت العقد و صافي و دبا غنديرو العرس فهمتي...(جمعات ضحتها و تكلمات بحزن) وخا كنت كنتمنى بابا يكون معايا و نتسامح معاه و لكن معندي مندير مكتاب...
سارة: متقلقيش اصاحبتي راه المكتوب هدا... امتى بعدا العرس...؟
زمرد: بقات ليه 3 يام..

سارة بصدمة: 3 يام!!! و أنا آخر من يعلم و عقلي فيها..
#يتبع...