حب نتيجة خطأ طبي

الجزء المئة و الخامس و العشرون

حب نتيجة خطأ طبي
#بارت125♡♡

منصف: ولكن شنو سبب هادشي...

الطبيب: فاغلبية الاوقات الا شي حد تحرق كيكون فقط على المستوى السطحي(يعني غير الجلدة الفوقانية لي كتحرق) ولكن فحالتها هي تعرضات لحروق داخلية وصعيب انها تتجاوزهم وبسباب داك الحر هبط ليها على قلبها الشي لي خلاهم انخافضو ومن الأحسن هاد الليلة تنعس فالسبيطار توقعو أي حاجة...

منصف لي كيتصنط لهضرتو وعقلو فقط كيخمم بحاجة وحدة هي انها خاصها متوقع ليها تا حاجة عارف زمرد فقدات الاب ديالها ومتقدرش على فراق ماماها حتى هي... هو بغا القا زمرد ويرجعها بيخير وفاطمة تبرا ولالة الياقوت تفيق باغي كلشي ارجع كيفما كان...

منصف: وخا هاد الليلة غتكون فالكلينيك...

خرج منصف مع الطبيب حتى لبرا وصونا على الكلينيك قاليهم اصيفطو ليه امبيلونص..

دخل مشا طل على ماماه لي لقاها كيفما خلاها وحداها الفرملية...

منصف؛ كيف بقات حالتها؟
الممرضة: الوضع ديالها غادي وكيتحسن نتمناو تفيق فاقرب وقت نشاء الله.. .
منصف لي هاد الهضرة طمناتو شويا مشا خرج لبيتو ارتاح داز عندو هاد نهار طويل بلا قياس...

دخل البيت حيد جاكيط ديالو وسبرديلتو... ومشا تاجه الحمام حيد تيشورت حتى بانو عضلاتو المفتولة... طلق عليه الرشاشة مغمض عينيه وغير صورتها لي كتجي فبالو... وهي كضحك ومخلية سنيناتها البويض يبانو... كيتفكر ملامحها وهي معصبة... ملامحها وهي ساكتة... وهي ناعسة كاع هادشي فكر فيه..

وسؤال واحد فبالو هو علاش ديما كتجي فبالو علاش كيخمم فيها الوقت كامل علاش من نهار تخطفات وهو نعاسو مخربق واش زعماااا...

قبل حتى ميكملها حل عينيه بالزربة وقال..: توكض امنصف ماشي وقت هادشي لقاها بعدا...

كمل الدوش ديالو وخرج لاوي عليه فوطة.. مشا ل دريسينغ جبد سروال ديال كيطمة فالكحل وتيشورت فالكحل خفيف لبسو ونشف شعرو غير بالفوطة وخلاه...

يالاه خرج من الدريسينغ حتى تسمع الباب تحل جاتو عحب شكون هدا لي غيدخل بلا ميدق...

كانت رانيا لي داخلا هاجمة عليه...

منصف: مكتعرفيش دقي ولا شنو..
رانيا: سمح ليا ولكن بغيت نهضر معاك...
منصف: فاش...
رانيا: وغتخليني واقفة؟
منصف شاف فيها ديك شوفة ديال منيتك وقال: ياك مبغيتي نعرض عليك تجلسي...

رانيا شافت فيه ومشات جلسات فوق الكنابي..
منصف: مناوياش تهضري..
رانيا: امضرا عرفتي شكون خطف زمرد ولا لا...
منصف: وعلاش كتسولي...
رانيا: وبغيت نعرف..
منصف: غنقوليك وعنداك توصيلها لشي حد...
رانيا: لا لا غير قول
منصف: واحد الراجل تعاونات معاه سيلفيا هما لي خطفوها وهما لي سببو فالحريق نهار العرس...

سيلفيا خرجات عينيها وهضرات: هيييي كنت عاااارفااااها ديك الصفريطة هي لي غديرها .. ومزال جاية بوجهها حمر قالت ليك بغات تشوف خالتها اخوي ليها ضراس نشاء الله...

منصف: امتا جات لهنا؟
رانيا: فالعشية جات كانت عند ماما ف بيتها...
منصف: وخليتوها عندها بوحدها والا دارت ليها شي حاجة امم.؟
رانيا: راه مشفتهاش حتى بغات تخرج عاد شفتها...

#يتبع...