حب نتيجة خطأ طبي

الجزء الحادي عشر

نمشيو لبلاصة خرا

بالضبط فدار عائلة ديال زمرد

فاطمة لي كانت كطوي فشي حوايج حتى بان ليها سي براهيم داخل

فاطمة: سي براهيم ؟؟؟ ممولفاش ليك تجي لدار هاد الوقيتة.
براهيم: نوضي راه صوناو عليا من الكوميسارية
فاطيمة بلهفة: واش كاينة شي خبار على زمرد؟
براهيم بخوف: قالو ليا بلي راه شداتها شي كاميرة ديال المراقبة وعيطو ليا باش نشوف واش هيا أولا لا يالاه

فاطمة: وخا يالاه تسنى نلوح عليا جلابيتي ونجي

مشات فاطمة لبسات حوايجها وخرجو من الدار

تاجهو مياشرة لمخفر شرطة وصلو مشاو لمكتب تحقيقات

سي براهيم بتوتر و تيدعي متكونش زمرد: السلام اسيدي حنا هنا على قبل تسجيلات الكاميرة

الكوميسير بصوت جاد: اه! كيفما قلت ليك فتيليفون.. شفنا واحد البنت بنفس المواصفات لي عطيتونا  شدوها كاميرات المراقبة حدا البحر
براهيم بتوتر و قلبو مزير: إمكن لينا نشوفو ؟!
الكوميسير: اه بطبيعة الحال دور البيسي ل جيهتهوم  وهي تبان ليهوم زمرد لي كانت واقفة فوق واحد الجرف
فاطمة لي غير شافتها تغرغرو عينيها: اهئ بنتي اش باغا ديري فراسك
براهيم لي غير كيشوف وساكت ( بالنسبة لهادوك لي غيسولو علاش الكاميرة مشداتش منصف.. منصف راه كان ورارها بعيد شويا اما الكاميرة لي شداتها غير من جنب حتى غيتلاح وراها عاد غادة تشدو واليديها عرفوها حيت بنتهوم هاديك ملي دارت باش تهضر مع منصف) شوية وهي تلوح راسها هنا فاطمة لي تصدمات وغوتات" بنتيييبي اهئ اهئ لااا علاش لحتي راسك هئئئ علاش مشيتي وخليتينا الله ياربي علاش كيوقع لينا هادشي ااابينيتي علاش درتي فراسك هكك شويتينا عليك ابنيتي "( بقات كتبكي حتى تهدات)

اما براهيم لي تصدم صدمة العمر معرف باش تبلا  كيحس بلي هوا السبب فموت بنتو كون سمع ليها داك نهار أولا كون غير مجراش عليها مكانش غيوقع هادشي شد راسو بين يديه وبداو دموعو كينزلو من كثرت الصدمة مردوش لبال لمنصف لي تلاح وراها من غير لكوميسير( الدمعة ديال الاب صعيبة حيت كتكون واصلا بيه العضم 💔)

فاطمة لي عطاوها تشرب باش تفيق وعاونها داك الكوميسير حتى تهدنات

سي براهيم بحزن و ألم: وواش بنتي ماتت!؟
فاطيمة بصوت تعبان: سكت سكت متبقاش تقول هاد الهضرة هئ هئ بنتي مستحيل تموت هئ مغتخلينيش ياك ا الشاف(كتشوف فيه بحال الا كترجاه يقول ليها بلي بنتك مماتتش)

الكوميسير: مشينا لديك البلاصة درنا كاع التحريات ديالنا و دينا معانا حتى الغواصين قلبو فالبحر وملقاو والو
فاطمة قاطعاتو بفرحة: يعني بنتي مماتتش ياك..
الكوميسير: منقدر نجاوبك بوالو دابا
سي براهيم بترجي: عفاكم متخبسوش من التقلاب
الكوميسير:  باقين تيقلبو لكن من مور اربع ايام الا ملقاو والو التقلاب غيحبس..
سي براهيم: كيفاش؟؟
فاطمة: الا ملقيتوهاش فهاد اربع ايام هي عايشة
الكوميسير: مع الاسف الالة ماشي ديما كنلقاو الجتث حيت يقدر يكون كلاهوم الحوت مرة كنلقاو غير يد مرة رجل الخ...
فاطمة تتبكي بحرقة: هئئ هئ الله ياكبدتي تشوات علاش ابنتي درتي فراسك ديك الحالة هئئ بنتي الوحيدة مشات وخلاتني هئ هىئ

سي براهيم حالتو كانت كفس من حالة ديال فاطمة بأضعاف كيحمل راسو الذنب حيت هو سباب فموت بنتو حسب اعتقادو كن مجرحهاش بديك الهضرة وجرا عليها مكانش غيوقع ليها هادشي مكانتش غتنتاخر وتقتل راسها... هادو هما الافكار لي بقات تتسارا فدماغو..

#فنظركم واش غيلقاو زمرد؟؟