حب نتيجة خطأ طبي

الجزء المئة و السادس و الثمانون

حب نتيجة خطأ طبي
#بارت 186♡♡

سارة كتهضر مع راسها وتشكي براسها..

سارة: اش داك اسارة!! هانتي وحلتي معااه دباا... اففف اش هاد الكارثة ياربي... دبا انا اش غادي نقول لبابا؟؟ افف ياربي بغيت ليه الحكة وقلة الضفار الكلبب لاااخر تفوووو.. (بتحدي) ولكن غير بلااتي يسحاب ليه غنبقا ليه اناا هنا غذا ولا بعدو غادي نمشي شحال قدو يحبسني.. اللهيلا هو دوز الحبس و أنا بغا يدوزو عليا...

باقي كتهضر مع راسها حتى تسمع صوت تيليفون من جيبها كيصوني..
هزاتو لقاتو باباها بقات كتبحلق فعينيها شحال اش غادي تقوليه..
شافت شحال وهي تجاوب..

سارة: الو بابا!

سعيد: سارة فينك خرجتي من لافاك ولا باقي..

سارة: اه خرجت..

سعيد: غادي تجي عندي غذا ياك؟!

سارة: لا ابابا منقدرش غادي نبقا غير فالدار مع البنات غادي نراجعو هاد الايام عندنا القراية بزاف مرة خرا ونجي عندك...

سعيد: صافي ابنت الله يوفقك..

(حيت سارة مساكناش مع باباها كارية دار مع البنات قريبة ل لافاك وباباها كتمشي عندو فالويكاند ولا الى كانت مسالية)..

قطعات رانيا التيليفون ولاحتو بإهمال وهي تسمع صوتو موراه..

امجد غمزها: تبارك الله عليك كتعرفي تكدبي خليك هكا دايرة عقلك..

سارة دارت عندو مخنزرة: انا قلت ليه هكا غير باش ميتشوش عليا عنداك يسحاب ليك راني خايفة منك!!! وهادشي لي كدير فيه راه سميتو اختطاف وماشي غير شهر ديال الحبس لي غادي دوز..

امجد: شنو دباا كتهدديني ولا شنو نفهم؟.

سارة: فهمها كيفما بغيتي.. امتى غتخليني نمشي..

امجد: ملي يقولها ليا راسي..
مشا خرج وسد عليها الباب من برا اما سارة لي سمعاتو خرج تخلعات حيت غتبقا هنا بوحدها خصوصا قرب الضلام يطيح كتفكر هضرتو ملي قاليها بلي كانين هنا الحيوانات..

سارة: افف اش غندير دبا واش غنبقا هنا بوحدي ؟؟ ولكن جاني جوع.. شنو زعما نوض نشوف شنو كاين فالكوزينة..؟

مشات ناضت كتقلب على الكوزينة كاع البيوتة طلات عليهم بعدا دار عجباتها وخا خشب ولكن مفرشة كاملة ومقادة كاع متقول عليها كاينة فالغابة..
قلبات فاللخر لقات الكوزينة دخلات ليها بقات كدور فعينيها بان ليها كلشي نقي حلات التلاجة لقاتها عامرة...

سارة: امم الكوزينة نقية والتلاجة عامرة باينة كيجي هو وشي بنت لهنا... اصلا انا مالي نهز مناكل حسن ليا.. ولكن واش كاين الخبز ولا لا... افف بقيت بالجوع باينة..

بقات كتشوف شحال فاللخر بانو ليها ليبات فواحد البواطة فوق البطاجي.. هزاتهم دارتهم اتسلقو مشات للتلاجة هزات لاصوص وكاع داكشي لي غادي تحتاج والفرماج وبدات كطيب نسات راسها كتفكر غير فراسها تاكل وصافي..

داز الوقت
حطات سارة دوط ليبات لي طيبات فطبسيل مع فرشيطة وبدات كتاكل وتبنن على راحتها حتى سالات وجمعات الماعن.. بقات شحال كتشوف فيهم واش تغسلهم ولا لا..

سارة: واش نغسلهم زعما ولا بلاش... اممم والله لا غسلتهم ليه و هو يخطفني ومن الفوق نغسل انا الماعن خليهم تما..

خرجات من الكوزينة وبدات كدور فالدار قتلها الملل وصوت الصقيل فالمكان كامل صوت الدبانة مكتزنزن.

#يتبع...