حب نتيجة خطأ طبي

الجزء الثامن و الثلاثون

حب نتيجة خطأ طبي
#بارت38♡♡

زمرد غير سمعاتها ضارت شافت فيه موسعة عينيها على حدهم و فخاطرها كتلعن و تسب فيه ضارت لقات كلشي كيشوف فيها حتى من سارة مطرطقة عينيها كتحلفها فيها زعما غير بلاتي مزوجة بلا خباري.. بقات كدور فعينيها مفهمات والو كفاش بين ليلة و نهار ولات مزوجة

منصف جارها و هو مشابك يديه مع يديها خارجين من الحفل و گاع الأنظار عليهم و الصحافة كتصور مخلين موراهم لالة الياقوت لي غتسخف بالصدمة و سارة حتى هي.. منصف دار اشارة لمعاذ عاى سارة لي فهمو و حرك ليه راسو بآه.. زعما كون هاني..

لالة الياقوت: اويلي على مزوج واش سمعتي اش قال واش هدا ولدي واش تزوج...؟ و وقتاش؟ شنو واقع؟
رانيا متتقلش على مها بالصدمة: اه اماما و اللهيلا مزوج !!

حتى حد متوقعها منو حيت فينما يجبدو ليه موضوع زواج كيتعصب

معاذ: زيدو نوصلكوم يالاه نمشيو من هنا

خارجو حتى كيتصادفو مع امجد لي عاد راجع كان عندو شي شغل لي مخلاهش يسمع لشنو قال منصف

معاذ: فين كنتي نتا؟
امجد: جاتني شي خدمة ضروري خاصني نسافر غذا لفرنسا
معاذ: واخا يالاه نرجعو لدار

معاذ وصى واخد الشيفور باش يوصل سارة لي بزز وافقات.. أما عائلة العمراني،  ركب كل واحد فطموبيل ديالو من غير رانيا و ياقوت وصلهم معاذ.. و صيفط رسالة لمنصف

وصلو الفيلا كل واحد مشا لغرفتو يرتاح لكن شكون خلاهم كلهم مصدومين حتى ملي عاودوها لأمجد متيقهمش.. باغي يسمعها من عند خوه عاد يتيق

عند ابطالنا>

زمرد ركبها منصف فالطنوبيل و بقا مدة ساكت و هي تتشوف فيه مفاهمة والو.. حتى وصلو ميساج من عند معاذ قراه عاد ديمارا طونوبيل

زمرد: امم احم وقف وقف راه خليت صاحبتي تما غتقلب عليا و شكون غيوصلها! بعدا حنا فين غاديين؟

منصف شاف فيها و عاود شاف فطريق بدون مينطق بحرف.. زمرد سكتات مدة عاد عاودات هضرات

زمرد: واش متتسمعش؟ راه جينا بحوج خاص نرجعو بجوج

منصف خنزر فزمرد و هو دوز واحد نمرة و مع فطونوبيل الهضرة مسموعة صونا مدة عاد تفتح الخط..

شيفور: موسيو العمراني!
منصف شاف فزمرد: فينكم؟
شيفور: راه وصلت الآنسة حتى لدارهم

زمرد استغربات حيت كان حداها طول الوقت وقتاش وصى شيفور على سارة مفهمات والو.. منصف تيجيها غريب الأطوار.. معارفاش علاش و لكن شي حاجة فيه كتخليك تحتارمو بزز و عاد هادشي لي تيدير على قبلها من نهار شافها حتال ليوم..

بقا غادي موقف غير قدام العمارة ؛ زمرد شافت فيه لقاتو كيشوف قدامو يالاه بغات تهبط حتى سمعاتو نطق واحد الكلمة لي متوقعاتش تسمعا دبا

منصف: غنتزوجو

زمرد شافت فيه بالصدمة علاش هي باقي حشمات ولا احتارماتو تء تء عصبها و هي تنطق بعصبية

زمرد: واش منيتك؟ اش كتقول؟ كفاش بين ليلة و نهار نتزوجو! شوف راه سكت قدام الناس قبيلا و لكن راك زدتي فيه

منصف شاف فيها ببرود  هاد الشوفة لي خلاتها تسكت..

منصف: غنتزوجو زواج على الورق فققط (ورك عليها)
زمرد: و لكن علاش؟
منصف : الصحافة غتنشر هاد الخبر مبغيتش السمعة ديالي تقاس بسبب خبر كاذب!
زمرد: اصلا انا مقلتش ليك قول ديك الهضرة
منصف شاف فيها ببرود: انا غير تنعلمك..
زمرد : ولا قلت

قاطعها

منصف بأمر: طلعي للدار غدا و ندويو

طلعات الفوق تسناها حتى دخلات عاد زاد مكسيري لدارو...

(مبغاش يقول ليها السبب لي خلاه يدير هكاك حاجة وحدة لي كتهمو هي الصحافة ميكدبوش الخبر و حتى سيلفيا بغا يبين ليها بلي مبقاتش تتهمو

عند زمرد

لي دخلات للدار لقات كنزة ناعسة لاحت صاكها بملل و حيدات الطالون من رجليها و تلاحت فوق الناموسية ضروها رجليها و عيانة و فنفس الوقت كتفكر فهادشي لي وقع فالحفل بقات هكاك محسات براسها غير نعسات بحوايجها و ماكياجها..

#يتبع