حب نتيجة خطأ طبي

الجزء السادس و الاربعون

حب نتيجة خطأ طبي
#بارت46♡♡

الساعة 7 ديال العشية وكان قرب وقت الضياف اجيو

رانيا و زمرد لي جالسين طالقينها حتى عيطات ليهم لالة الياقوت يبدلو حوايجهوم

عند رانيا

لابسة واحد الكسيوة كتجي طويلة تحت الركبة فاللون الباج طلقات شعرها و لبسات سنيديلة قادات حالتها وهبطات التحت...
اما زمرد لبسات ديك الكسوة نيت لي شرات معاها صندالتها كتافات فقط دير كلوص ل شفايفها و طلعات شفارها ب ماسكارا و دارت العطر ديالها جمعات شعرها الفوق مخليا شي زغيبات طايحين وهبطات التحت لقات نيت رانيا يالاه هبطات .

عند لالة الياقوت لي واقفا فالكوزينة وتشالي بيديها الخدامات وتوريهوم شنو غيقادو واقفا على كلشي بغات دوز عراضة هماوية
تسمع صونيت فالباب دليل على انه الضيوف وصلو

تاجهات لالة الياقوت براسها تحل الباب كتمشى بخطى تابتة رغم أنها كبيرة فالعمر ولاكن باقي شادا فراسها
حلات الباب كانت سيلفيا وباباها هوما لي سبقو اللولين(مامات سيلفيا ماتت منين كانت صغيرة) ، سلمات عليهوم ورحبات بيهوم شويا تمات داخلا واحد الطموبيل من نوع مرسيديس كحلة
نزل منها معاذ وباباه والأم ديالو وختو

تقدمو ناحية لالة الياقوت لي راسمة ابتسامة عريضة على وجهها وعلاش لا وهيا فرحانة ب ضيافها

لالة الياقوت: اهلا وسهلا زارتنا البركة نهار كبير هادا

تعانقات مع حفصة (ام معاذ امرأة لي كبيرة فالسن ولاكن باقي شادا فراسها مزيان)

تسالمو سلام عزيز بطبيعة الحال هادي حفصة صحيبتها من شحال هادي....

منبعدما تسالمات مع حفصة دازت لزينب خت معاذ لي فالعمر ديالها 17 سنة كيوت عينيها خضرين ومشفرين بشرتها بيضاء و مطويلة مقصيرة غير هيا من النوع لي سكوتي هادئة بزااف...

دخلو الضياف للصالون حتى تسمع الدقان فالباب مشات الخدامة حلات لقات كنزة و ولدها...

صوت الهرج والضحك مسموع فانحاء الفيلا

سلمات الياقوت على كنزة لي دايراها بحال ختها و سلمات حتى على إياد لي عندها عزيز (اياد ولد كنزة قد منصف فالعمر طويل ومكلضم حروفو كحلين واللحية مطراسية...)

تجمع كلشي كيضحك ويتحدث حتى من منصف لي كالس وساكت مرة مرة كيشاركهم أطراف الحديث اما زمرد غير ساكتة مكتعرف حد حدها كتبتاسم و صافي حتى نطقات حفصة..

حفصة:اوا ا الياقوت مرات ولدك غزالة تبارك الله ههه
لالة الياقوت : اه ولدي عرف اش يختار ههه العقوبة ل معاذ نفرحو بيه تاهوا

على اثر هاد الجملة هز معاذ عينيه فرانيا لي حتى هيا ضورات عينيها على غفلة جيهتو لقاتو كيشوف فيها قلبها ضرب فالتسعين معرفاتش علاش واش غير حيت باقي حشمانة منو من داكشي لي وقع ولا شي حاجة خرا

اما زمرد لي طلعاتها تزنيكة فقط بتاسمات شافت بنص عين فمنصف لي مسرح ليك فوق الفطوي ممسوقش...

#يتبع...