حب نتيجة خطأ طبي

الجزء المئة و الخامس و التسعون

حب نتيجة خطأ طبي
#بارت195♡♡

عند سارة لي عيات من كترة الجرا بقات كتمشا شحال صافي عرفات راسها توضرات دموعها مبقاوش بغاو ينزلو...

وصلات تحت من واحد الشجرة جلسات وجمعات رجليها عندها كترعد بالبرد حوايجها فزكو ولا لاصقين عليها...

سارة(دموع كيهبطو من عينيها): هئىئئ الله ياربي هئئ اش درت انا نتي مكلخة اسارة(ضربات راسها بيديها ) اش داني نخرج من شي دار هئئئ؟؟.. اشنو غندير دابا نبقا هنا حتا ياكولني الكلاب؟ هئئئئىىى اففف..

بقات كتبكي شحال شويا سمعات حس شي رجلين حداها قلبها صافي خرج من بلاصتو حطات يديها على فمها كتحاول تكتم صوت شهقاتها لي مبغاش يتحبس ولات كدعي الله غير ميكونش شي سبع لي خرج ليها ولا شي فيل.. هادشي لي ولات كتفكر فيه ولا يكون شي جن🙂..

بقات جالسة شحال كترعد فبلاصتها وتبكي حتى حسات بشي يد تحطات على كتفها هنا مبقاتش قادة تحبس دموعها..

سارة: هئىىئ عاافاااك بعععد مني هئئىئ متقربش ليا عافااك هئئىئ خليني متقربش متقربش هئئى..
بقات هكاك كتهضر وتحرك راسها يمين شمال كتحس براسها وسط كابوس خايب..

تسمع صوت راجل غريب عمرها سمعات صوتو..
الرجل لي هو البيل وضوا ليها فوجهها..

الرجل: ششش متخافيش مغندير ليك والو.. نتي اشنو كديري هنا فهاد الوقت ؟!

سارة: شش شكوون نتاا؟

الراجل : انا كنصيد هنا ديما كنخرج فهاد الوقت ونتي اشنو جابك لهنا الغابة عليك خصوصا فهاد الوقت..

سارة: هئئئى توضرت هئئىى مبقيتش عاقلة على الطريق هئئى..

الراجل لي كان رجل كبير فالعمر كيرتدي سروال ديال العسكر فالخطر وبوط فرجليه وجاكيطة و بندقية الصيد على جنبو الايسر..

الراجل: واش مبقيتيتش عاقلة؟..
بقاي مكمل هضرتو حس بشي حد ضورو عندو بالجهد وضرب ليه الضو فعينيه.

كان امجد لي تبع ديك الطريق حتى بدا كيسمع صوت البكا تبع صوتو لي وصلو عندها ولكن ستغرب فاش كيبان ليه راجل واقف عليها وهي كتبكي جات فبالو حاجة وحدة هي ياكما يكون باغي يتعدا عليها..

امجد(بعصبية): ششكوون نتاا؟ واشنووو كدير هناا؟ وعلااااش واقفف عليهااا..؟

الراجل: تهدن اسيدي راه لقيتها هنا موضرة وبغيت نعاونها...

امجد: اممم بغيتي تعاونها..
يالاه بغا ينزل عليه براس وهو يحس ليها تلاحت عليه معنقاه بالجهد ومزيرة عليه...

سارة: هئئئىىى هىىىىئ اممججدد هئئىئ علااش مجيتيش قبيلا هئئىىئ عرفتي انا توضرت هئئىئ وتخلعت بزااااف...

امجد بعدها عليه وبقا كيشوف فيها كفاش كتعبر وتبكي وكتمسح دموعها بيديها بحال شي بنيتة ..

امجد: سرررك ياااك قلتتت لييكك متخرجيييش اممم قلتها ليك ولا لااااا ؟؟ ولكن نتيييي كديييري غييير لي فراااسك...

#يتبع...