حب نتيجة خطأ طبي

الجزء الثاني و السبعون

حب نتيجة خطأ طبي
#بارت72♡♡

سالاو الغذا ديالهم طلعات زمرد لبيتها جبدات كتوبتها تراجع حيت شحال من نهار هذا مغيبة و سارة هي لي كتجيب ليها الدروس باقي مهضرات مع منصف فهاد الموضوع ملقاتش الوقت المناسب...

بقات كتراجع وتحاول تفهم كاع الدروس.... حتى دخلات عليها رانيا جلسات حداها فوق الناموسية مربعة رجليها...

رانيا:زمرد اش كديري..
زمرد(حطات الوراق من ايديها وساطت بغيض): كنراجع اففف عرفتي شحال من حاجة فاتتني..
رانيا: وعلاش مكتمشيش ل لافاك...
زمرد:حيت كنت بغيت نقولها لمنصف و ملقيتش الوقت المناسب و الا بقيت هكا غنعاود العام
رانيا: صافي ملي يجي فالعشية هضري معاه..
زمرد: انشاء الله..
رانيا : زمرد دبا انا بغيت نخرج قنطت فالدار والله.. (شافت فيها بنص عين) تخرجي معايا
زمرد: فين غنمشيو بالسلامة
رانيا: ندورو
زمرد: صافي يالاه نوضي حتى انا مليت..

شافت فيها رانيا بتعجب!! حيت معطلاتهاش و دغيا قبلات
رانيا:واش بصح...صافي هاني غنمشي نبدل حوايجي ونقولها لماما و هاني معاك...

ناضت رانيا مشات قالتها لماماها لي قنعاتها وخلاتها تخرج ولكن قالت ليها ترجع قبل من منصف.. مشات لبسات عليها كسيوة فالكحل واصلة للركبة و سبرديلة بيضة و صاك ديالها و مشات عند زمرد لقاتها لابسة حتى هي سروال تجين و قبية فالبيض و سبرديلة مع صاكها و خرجو لقاو الشيفور كيتسناهم...

ركبو طلبات منو رانيا اوصلهم ل واحد البلاصة..

زمرد:رانيا علاش جينا لهنا؟
رانيا:بلاتي ناكلوشي حاجة راه جاني جوع انا
زمرد:يالاه زيدي..

كانت عبارة على كافي كلاص وديكورها زوين وانيق فنفس الوقت..
مشاو جلسو فواحد الطاولة جا عندهم السرباي رانيا لي خدات لي كريب بالشكلاط و عصير الليمون زمرد لي خدات كيك بالشكلاط وجلسو كياكلو وهما كيتحدتو...

اما واحد خونا لي جالس مقابل مع زمرد منين دخلات وهو حاضيها بعينيه كيطلعها ويهبطها بشي شوفات...

..اما زمرد لي ناضت مشات الحمام وخلات رانيا كتسناها باش اخرجو يمشيو فحالهم.

#يتبع....