حب نتيجة خطأ طبي

الجزء الثالث و الثلاثون

حب نتيجة خطأ طبي
#بارت 33♡♡

عند زمرد

لي غادة فالطريق و دموع محبسوش من عينيها قلبها كيضرها الطريق كاملة وهي غير كتبكي محساتش بالطريق ل درجة تمشات مشافة ديال الطريق من المدرسة للدار بلا طاكسي عاد تفكرات الترويض تنهدات قلبات جيوبها لقات عندها فلوس قلال من غير باش غادي تخلص.. ولات تتحس بعدم الراحة و هي معندهاش فلوس و غير ساكنة فدار واحد غريب عليها هو ماشي مضطر يصرف عليها.. خاصها تلقى حل هادشي تقلب على خدمة و تسكن مع لبنات هاكا مغاديش تحتاج لتاشي حد حيت حتى من الدوا ديالها هو لي شراهم.. شدات طوبيس لي وصلها لبلاصة قريبة لمركز ديال الترويض و كملات على رجليها حتال للمركز.. خلصات بالفلوس لي عطاتها كنزة باش تخلص كلشي فدقة و هضرات معاهم باش ينقصو ليها بحكم هي طالبة غير وراتهم بطاقة الطالب و حيت غادي تخلص كلشي دفة وحدة نقصو ليها شوية..

دازت مدة

زمرد خرجات من المركز ديال الترويض عقلات على الطريق فقررات تمشي على رجليها.. دماغها خدام غير فهاد الاسابيع لخرى لي حياتها كلها تبدلات و حتى السبب فهادشي هو عدم ثقة باها فيها و مها لي محاماتش عليها و مدارت والو.. أفكار ديها و أفكار تجيبها حتى وصلات حلات الباب دخلات نيشان لبيتها كانت ساهية و باينة غوجهها مهموم فمتسوقاتش لكنزة لي جالسة فالصالون كتعيط ليها و لا انتابهات لداك الشخص لي جالس على الفوطوي

كنزة بعدم فهم: معرفت مالها؟؟
منصف: من امتى كتمشي للافاك؟؟
كنزة بحزن: غير البارح قررات ترجع تقرا ؛ مسكينة لي داز عليها ماشي ساهل كتبقى فيا بنت مزيناتها كتعيش بحال هادشي
منصف كيدوز يديه على لحيتو: علاش مالها؟!..

كنزة عاودات ليه كلشي من الاول حتى الاخير مزكلات والو ؛ و هنا منصف عاد فهم البلان علاش حاولات تنتاحر و منين صوناو ليه على قبل دوا وشنو حساسية بحال هكاك... بقا كيربط فالأحداث عاد فهم البلان كولو

وقف

منصف: مي كنزة نخليك
باس على راسها.. كان خارج حتى وقفو صوتها

كنزة: منصف!! علاش درتي هادشي كامل على قبلها؟؟ نتا متتسوقش للناس؟

منصف بلاما يدور ابتاسم و كمل طريقو للباب بدون ميجاوب

عند زمرد

تلاحت فوق الناموسية بحوايجها عيانة بقات غير تتشوف مدة بداو الدموع تيطيحو من عينيها.. ضرها راسها و استسلمات النعاس حتى من القراية لي كانت عندها فالعشية ممشاتش ليها مفاقت غير على صوت كنزة كتعيط ليها

كنزة : زمرد! بنتي نوضي راه صاحبتك كتصوني

ناضت زمرد عينيها منفوخين : اري

كنزة مدات ليها الهاتف ديالها حيت كانت سولاتها سارة على الرقم ديالها و قالت ليها حتى نمشي الدار تشوف الرقم ديال كنزة و تعطيه ليها ، هزات تيليفون دارتو على وذنيها..

زمرد: الوو
ساره: مالك مجيتيش للافك ؟
زمرد: و تتسوليني!؟
سارة فهماتها: عطيني العنوان ديال الدار!!
زمرد: و علاش؟؟
سارة : و غير عطيني!

زمرد سيفطات ليها لوكاليزاسيون و ناضت لبسات بيجامة ، هزات لبيسي ديال منصف خلاه تما حيت كيجي لدار مرة مرة.. حلاتو باش تكمل داكشي لي كانت كتقاد فيه؛ حتى تسمع صونين فالدار عرفاتها سارة

حلات ليها كاتن هازة فيديها صاك معرفات اش فيه ؛ شافت فيها زمرد باستغراب!

زمرد: اش داكشي فيديك؟
سارة: نسيتي بلي اليوم بالليل كاينة الحفلة؟؟
زمرد بملل: والله مفيا لي يمشي غير سيري نتي

سارة دخلات معاها لبيتها و هي مخنزرة و شافت فيها ديك الشوفة ديال منيتك

سارة: غنمشي هي غتمشي ميمكنش ليك تخليني.. اصلا قليييل فاش كنخرجو لبحال هاد الحفلات ؛ اشمن قليل راه عمرنا گاع..
زمرد: و سارة...

سارة قاطعاتها: غتمشي و السلام ، متأكدة غيعجبك الحال تشوفي الناس ديال الطبقة البرجوازية هههه

وختماتها بغمزة

#يتبع...