حب نتيجة خطأ طبي

الجزء المئة و الثامن و الثمانون

حب نتيجة خطأ طبي
#بارت188♡♡

امجد(بصوت خشن): هي الى تعلمتي تعجني بحال البنات...

سارة(مخنزرة فيه): منين خرجتي نتا دير غير الحس..

امجد: شدي متاكلي وسدي فمك...

سارة: اجي نتا بالسلامة علاش حابسني هنا واش حماقيتي ولا شنو بان ليا الحبس اتر عليك..

امجد خنزر فيها بشي شوفات كون كانو قرطاس كون قتلوها...
امجد(مطلع حاجب): باش حتى نتي تجربي تحرمي من الحرية وتبقاي بين ربعة دالحيوط ونتي مدايرا والو..

سارة: نتا تحبستي بين ربعة دالحيوط حيت درتي علاش..

هزات ديك الميكة كان فيها باريزيان باش تفطر ومشات حطاتها.. دارت لقات امجد باقي واقف كيخنزر فيها..

سارة: مالك فاش كتشوف؟!

امجد بين سنانو: ياربي الصبر مع هاد المخلوقة..
دار مشا فحالو معصب.. اما سارة دارت بحال إلى موقع مشات كتكمل الاومليط ديالها باش تفطر..

داز الوقت
سارة يالاه فطرات جمعات داكشي خشات الماعن فاللافابو بحال ديما محلفة متغسلهم...

نرجعو للمغرب.. 🇲🇦
فالفيلا..
عند زمرد جالسة فبيتها والكتوبة قدامها كتراجع عندها الامتحانات وخاصها ضروري تحفظ.. بقات واحلة فواحد السؤال شحاال كتخمم وتعصر دماغها والو...

زمرد(رمات ستيلو بزعفة): افف اش هادشي عقلي وقف..
منصف لي كان داخل البيت سمعها كتأفأف..

منصف: مالك معصبة..

زمرد دارت عندو: والو غير مع القراية..
منصف تقدم جيهتها وجلس حداها..
منصف: علاياش كتقراي نتي؟

زمرد: دايرة إدارة الاعمال ودبا عطاونا نديرو تقرير على شي شريكة ونا عييت نقلب ملقيت والو..

منصف: وفين نسيتيني انا..
زمرد شافت فيه بشنو ؟؟

منصف: جي عندي للشركة وديري تقرير نسيتي؟؟

زمرد: قلت بلي نتا محال واش تبغي..

منصف: وعلاش لي منبغبيش نسيتي انا راجلك أي حاجة خصاتك قوليها ليا..

زمرد حركات راسها بإيجاب وبتاسمات ليه..
منصف: شنو لي خلاك ديري ادارة الأعمال بالضبط؟!

زمرد: حيت كنتمنى ندير حتى انا شركة خاصة ديالي ولا شي مشروع ديالي نكبرو بالمجهودات ديالي حتى بابا الله يرحمو كان ديما مشجعني باش نحقق هاد الحلم ونا متأكدة كون كان عايش كون كان غادي يوقف معايا فكلشي حتى يشوفني كيفما بغا و أنا هاد الحلم غادي نحققو انشاء الله..

منصف هز يديه كيحيد ليها الشعر طايح ليها على وجهها: انا معاك ازمرد وغادي نعاونك توصلي لأهدافك..

جرها لعندو خاشيها فصدرو مزير عليها كيحاول يوصل ليها بلي هي ماشي بوحدها وبلي هو ديما غيكون معاها وفجنبها..  حيت كيحس بيها مورا موت واليديها بحال الى حسات بلي بقات بوحدها .. فعلا بلاصة الواليدين مكتعوضش ولكن الى لقيتي لي يوقف معاك ماشي بحال الى بقيتي بوحدك..

#يتبع..