حب نتيجة خطأ طبي

الجزء التاسع و الثلاثون

حب نتيجة خطأ طبي
#بارت39

♤أصبحنا وأصبح الملك لله ♤

عند زمرد

لي فايقة كتخلع شعر طالع الفوق اما واحد الكمارة ولات كي طعريجة تخلطات ليها الماسكارا مع الكحول.. شافت وجهها فالمرايا و هي تغوبش

زمرد: وييلي حالتي كيدايرة !!

دخلات لدوش ضرباتها بواحد التدويشة من داكشي نقات حالتها و خرجات لاوية عليها فوطة مخلية جسمها الابيض يبان و شعرها طالقاه فازك حنيكاتها مزنكين وقفات قدام المرايا شافت وجهها برضى و ابتاسمات، لبسات عليها حوايجها و شعرها نشفاتو غير بفوطة و خلاتو مطلوق باقي فازك شوية

خرجات للصالون تفطر جلسات بوحدها حيت فاقت معطلة لقات كنزة فطرات و خلات ليها مع دارت القمة ديال الخبز ففمها طلعات راسها و هو يبان ليها جالس مقابل معاها حاط رجل على رجل  ويد مسرحة فوق الفوطوي و وحدة فوق رجليه..

شافتو و حلات ليها الدغمة تخلطات ليها الصدمة مع الخلعة مع كلشي...

زمرد تتكحب: نتا؟؟ كح كحححح كح

بقات كتحب حتى حمارو عينيها

منصف: شربي الما!!

هزات كاس الما دغيا نزلات عليه دقة وحدة عاد شافت فيه

زمرد: سسس سمح ليا تخلعت
منصف: اجي
زمرد:كيفاش؟؟
منصف بجدية:  خاص نهضرو!!

تمات غادة عندو و هي مستغربة ؛ وصلات جلسات فوق الفوطوي و هو مد ليها شي وراق تسني عليهم ، شافت فيه باستغراب

زمرد: اشنو هادشي؟؟
منصف مد ليها ستيلو: وقعي!

زمرد شافت فديك الوراق و اول حاجة جات بين عينيها تصدمات متوقعاتوش يكون داوي بصح

زمرد مصدومة: ويلي وراق زواج !! واش كدوي منيتك
منصف ببرود: كنضن بلي دوينا البارح فهاد الموضوع اولا لا؟
زمرد: و لكن...
منصف قاطعها: مكاين ما و لكن وقعي و هدا غير زواج على الورق فقط ..
زمرد: و لكن علاش؟؟

منصف لواحد اللحظة بقى سااكت كيفكر علاش دار هادشي كامل و ملي باغي غير يفقص سيلفيا علاش مشا عند زمرد بالضبط و علاش و علاش....

منصف بهدوء: وقعي !!

زمرد وكلات امرها لله و وقعات و هي داخلها تيترعد مخلوعة من اشنو تدير.. حطات ستيلو ساهية فالوراق..

زمرد فنفسها: واش دبا انا وليت مزوجة؟ انا وليت مراتو ، اويلي عاد  البارح كنت ديال راسي افف ..

حسات بمنصف حط ليها شي حاجة فوق الطاولة دارت لقات تيليفون جديد و واحد الشيك فيه واحد المبلغ مالي

زمرد مخنزرة: اشنو هادشي؟
منصف: العشية غنجي نديك ملي نصوني جاوبي
زمرد: وهاذا؟( دارت إشارة👈🏻 للشيك)
منصف: صداقك

تم خارج ممسوقش مخليها مواره مفاهمة تا لعبة

زمرد: الله يستر هادا مالو معقد ميقولش جملة مقادةا! ولا
...كن واش دبا هادا ولا راجلي  مفهمتش و الا كان غير على لوراق لاش عاطيني هاد الصداق؟؟

جاتها غريبة كلمة راجلي اول مرة تقولها و تحس بيها دبا هي ولات مرات الراجل قدام الناس لكن الزواج غير على الورق كيفما فسر ليها منصف

#يتبع...

#فنظركم واش الزواج غيبقى على ورق؟ ولا غيتحول لزواج حقيقي؟