حب نتيجة خطأ طبي

الجزء المئة و الثمانون

حب نتيجة خطأ طبي
#بارت 180♡♡

رانيا كانت مجردة من حوايجها غير نصها لي مغطي بليزار خفيف.. جلس حداها و بدا تيحرك الوردة على وجهها باش تفيق.. لكن والو تتبعد داكشي بيديها.. و هو يشوف فصدرها و بتاسم بمكر.. و بدا تيحرك الوردة عليه بحركات لي بورشوها و هي ناعسة حتى حلات عينيها و هو يبان ليها معاذ قدامها.. تيلعب بصدرها بالوردة غير عاقت بلي عريانة تزنكات و جرات لغطا عليها..

رانيا: شنو تدير
معاذ: ماشي أنا الوردة
رانيا: متتحشمش
معاذ: يلاه نوضي باش تفطري!!
رانيا بتوثر: بعدا غير ندوش
معاذ غمزها: باقي الحال على الدوش
رانيا شافت فيه مخرجة عينيها: لا لا انمشي ندوش

ناضت و هي مدورة عليها ليزار و تاجهات للحمام سدات عليها لباب و مع التوثر تمشات بالزربة كاتمة الألم ديالها لي حسات بيه شي شوية فاش كانت تتمشى.. و معاذ تيضحك عليها.. رانيا حيدات ليزار و خدمات رشاشة و دخلات تحتها..

نمشيو عند زمرد و منصف
زمرد ناضت من بلاصتها ملقاتوش خنزرات معاجبهاش الحال حيت ولفات هاد الأيام تفيق تلقاه حداها و يعطيها القبلة ديال الصباح.. سمعات صوتو جاي من لبالكو و هي توقف حدا لباب تتسمع ليه تيهضر بالفرونسي مع شي حد فتيليفون

منصف: غير خليه تماك و انا من بعد غادي نهضر مع البنت(سكت مدة تيسمع الشخص الآخر عاد جاوب) آه! تنعرف البنت من المعارف ديالي(بقا تيسمع للآخر عاد هضر) صافي نديرو هاكا! يلاه بسلامة..

منصف قطع تيليفون دار بانت ليه زمرد مخنزرة فيه دتر ليه اشارة بمعنى شنو..

زمرد الهضرة واحلة ليها فحلقها باغة تقول ليه شكون هاد البنت لي من المعارف ديالك و مقادراش خايفة يقمعها.. و حتى خايفة ياخد عليها نظرة خايبة زعما اختارقات السمع و هو تيهضر فتيليفون..

منصف قرب ليه و خاوط هصرها بيديه: مالكي؟؟
زمرد هزات كتافها حاولات تتنتر منو و هو شادها بزز
منصف بهدوء: زمرد! مغاديش تقولي ليا مالكي؟؟
زمرد: والو ممتلي والو! طلق مني أ منصف..
منصف: حتى تعطيني بوسة ديال الصباح عاد نطلقك!!

زمرد تزنگات ملي قال ليها هكاك و فنفس الوقت عاجبها الحال باغاه يبوسها..

منصف قرب ليها باغي يبوسها و هي حتى قرب و هي تقلب وجهها غضبانة بزز تحكمات فراسها باش متخليهش يبوسها.. هاد الحركة لي دارت عصباتو و هو يطلقها معصب و غير تيخنزر فيها..

منصف بحدة: مالكي!! أ زمرد شنو واقع معاك؟؟
زمرد بعصبية بعدات منو: والو مواقعة والو!!
منصف: و لكن تصرفاتك ماشي هادي لي تيقولو!! كاينة شي حاجة و انا معارفهاش..
زمرد: مكاين والو نتا لي معصب غير راسك..
منصف بصدمة: دابا وليت انا لي معصب غير راسي؟

زمرد معرفات متقول ليه عينيها عمرو بالدموع مشات و خلاتو و هو يخرج من تماك و زدح الباب معصب حيت مفهمش مالهز علاش دارت معاه هاكا.. و ملي تيسولها تتقول ليه والو..

#يتبع